Aımaqtar • 25 Qańtar, 2021

Jambyl oblysynda balyq sharýashylyǵy damyp keledi

29 ret kórsetildi

Jambyl oblysynda ótken jyly balyq sharýashylyǵyn damytý qolǵa alynǵan bolatyn. Búginde óńirde 122 jergilikti mańyzy bar balyq sharýashylyǵy sý aıdyny bar. Al, respýblıkalyq mańyzy bar Balqash kóliniń 18 ýchaskesi ornalasqan. Onyń 83-i kásippen aınalysýǵa nıetti 74 tabıǵat paıdalanýshylarǵa bekitilip berilgen bolsa, qalǵan 38 balyq sharýashylyǵy sý aıdyny ázirge bos.

Oblystyq tabıǵı resýrstar jáne tabıǵat paıdalanýdy retteý basqarmasy janýarlar dúnıesin qorǵaý jáne balyq sharýashylyǵy bóliminiń bas mamany Rýslan Baltaev aǵymdaǵy jyldyń tamyzynda rezervtik qordaǵy 13 balyq sharýashylyǵyna sý aıdyndaryn bekitip berý konkýrsy ótkizilgenin aıtty. Konkýrsqa 18 kásipkerden 20 konkýrstyq ótinim túsken. Nátıjesinde 5 kásipkerge 5 balyq sharýashylyǵy sý aıdyndary bekitilip berilgen. Aldaǵy ýaqytta qalǵan sý aıdyndaryna konkýrs jarııalanady. Jalpy, óńirdegi balyq sharýashylyǵy sý aıdyndaryna aǵymdaǵy jyldyń 15 aqpanynan bastap, 1 shildesine deıin balyq aýlaý lımıti 673,3 tonnany qurap otyr. Búgingi kúnge 666 tonna balyq aýlanypty. Nátıjesinde tabıǵat paıdalanýshylardan jergilikti bıýdjetke 11 mıllıon 943 myń teńge túsken. Al, aǵymdaǵy jyldyń 1 shildesinen 2021 jyldyń 1 shildesine deıin oblys aýmaǵyndaǵy balyq sharýashylyǵy sý aıdyndaryna balyq aýlaý lımıti 1150,7 tonnany qurap otyr.

 Alaıda, oblystaǵy balyq sharýashyǵyn damytýda sý aıdyndaryn tirshilik nárimen qamtamasyz etýde kedergiler bar bolyp otyr. «Basqarma oblystaǵy barlyq sý aıdyndarynsýmen qamtamasyz etilýin zerdelep shyqty. Nátıjesinde, 122 sý aıdynnyń ishinde tek 17 aıdynda ǵana sý deńgeıi turaqty ekendigi anyqtalyp otyr. Biz oblysymyzdaǵy balyq sharýashylyǵy sý aıdyndaryn sýmen turaqty qamtamasyz etpesek, keleshekte balyq sharýashylyǵyn damytý qıynǵa soǵady. Onyń ústine, tabıǵı sý qoımalarynda ósirilgen balyq aýlaý kvotasyn kóterý de qıyndyq týǵyzady», deıdi Rýslan Baltaev. Sondyqtanatalǵan basqarma jeke toǵanda ıntensıvti balyq ósirý sharýashylyǵyn damytý tájirıbesin qolǵa alǵan. Bul ádistiń ereksheligi – kásipker óziniń jerine toǵan salyp, balyq ósiredi. Jem, shabaq, analyq balyq satyp alý, qural-jabdyq satyp alý memleket tarapynan sýbsıdııalanady. Toǵandy alyp qoıý qaýpi bolmaıdy. Sonymen qatar, óńirde taýarly balyq ósirý kásibin óristetý jolǵa qoıylýda. Oblys ákiminiń tapsyrmasyna sáıkes, aımaqtaǵy ózenderdiń jaǵasynan balyq sharýashylyǵyn júrgizýge qolaıly jerlerdi anyqtaý maqsatynda arnaıy top qurylǵan. Jumysshy top zerdeleý jumystaryn júrgizip, Qordaı, Shý jáne Moıynqum aýdandary arqyly ótken Shý ózeniniń arnasyn jáne Jambyl men Baızaq aýdandary arqyly ótken Talas ózeniniń arnasynan toǵan jasaýǵa jaramdy 24 jer ýchaskelerin anyqtaǵan. Qordaı, Shý jáne Moıynqum aýdandaryndaǵy Shý ózeniniń boıynda barlyǵy 119 gektardy quraıtyn 13 ýchaske anyqtalǵan. Mamandardyń aıtýynsha, osy ýchaskelerde balyq ósirý toǵany jasalsa, 238 tonna taýarly balyq ósirýge múmkin bolmaq. Al, Jambyl jáne Baızaq aýdandaryndaǵy Talas ózeniniń boıynan 16,6 gektar aýmaqty quraıtyn 11 ýchaske alynyp, ol jerde 24,8 tonnany quraıtyn taýarly balyq ósirýge bolady eken.

 Sondaı-aq, oblysta taý bókterlerindegi salqyn sýlarda forel sharýashylyǵyn damytý boıynsha qarqyndy jumystar bastalǵan. Atalǵan balyq túrin ósirýge qolaıly ózenderdi anyqtaıtyn jáne rezervtik qordaǵy balyq sharýashylyǵy sý aıdyndaryna ǵylymı zertteý jumystarǵa oblystyq bıýdjetten 29,5 mıllıon teńge bólinip, búgingi kúni konkýrs jeńimpazy «Balyq sharýashylyǵy ǵylymı-óndiristik ortalyǵy» jaýapkershiligi shekteýli seriktestigi tanylǵan. Bul ortalyq Qordaı, Merki, T.Rysqulov jáne Jýaly aýdandarynyń taý bókterlerindegi 22 taý ózenderine jáne 36 balyq sharýashylyǵy sý aıdyndaryna ǵylymı zertteý jumystaryn júrgizgen. Zertteý nátıjesinde 22 taý ózeniniń 17-si ǵana jaramdy ekeni anyqtalǵan.

 

Jambyl oblysy

 

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar