QAZAQSTAN RESPÝBLIKASYNYŃ ZAŃY

Qazaqstan Respýblıkasynyń Sý kodeksine jergilikti ókildi, ortalyq jáne jergilikti atqarýshy organdar arasynda aýyzsýmen jabdyqtaýdy sýbsıdııalaý jónindegi ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly

1-bap. 2003 jylǵy 9 shildedegi Qazaqstan Respýblıkasynyń Sý kodeksine (Qazaqstan Respýblıkasy Parlamentiniń Jarshysy, 2003 j., №17, 141-qu­jat; 2004 j., №23, 142-qujat; 2006 j., №1, 5-qujat; №3, 22-qu­jat; №15, 95-qujat; 2007 j., №1, 4-qujat; №2, 18-qujat; №19, 147-qujat; №24, 180-qujat; 2008 j., №6-7, 27-qujat; №23, 114-qujat; №24, 129-qujat; 2009 j., №2-3, 15-qujat; №15-16, 76-qujat; №18, 84-qujat; 2010 j., №1-2, 5-qujat; №5, 23-qujat; №24, 146-qujat; 2011 j., №1, 2, 7-qujattar; №5, 43-qujat; №6, 50-qujat; №11, 102-qujat; №16, 129-qujat; 2012 j., №3, 27-qujat; №14, 92-qujat; №15, 97-qujat; №21-22, 124-qujat; 2013 j., №9, 51-qujat; №14, 72, 75-qujattar; №15, 79, 82-qujattar; №16, 83-qujat; 2014 j., №1, 4-qujat; №2, 10-qujat; №7, 37-qujat; №10, 52-qujat; №19-I, 19-II, 96-qujat; №21, 122-qujat; №23, 143-qujat; 2015 j., №11, 57-qujat; №19-II, 103-qujat; №20-IV, 113-qujat; 2016 j., №6, 45-qujat; №7-II, 56-qujat; №8-II, 72-qujat;

2017 j., №3, 6-qujat; №12, 34-qujat; №14, 51, 54-qujattar; №23-V, 113-qujat; 2018 j., №10, 32-qujat; №19, 62-qujat; №24, 93-qujat; 2019 j., №8, 45-qujat; №19-20, 86-qujat; №21-22, 91-qujat; 2020 j., №13, 67-qujat; 2020 jylǵy 31 jeltoqsanda «Egemen Qazaqstan» jáne «Kazahstanskaıa pravda» gazetterinde jarııalanǵan «Qazaqstan Respýblıkasynyń keıbir zańnamalyq aktilerine tehnıkalyq retteý, kásipkerlik, memlekettik basqarý júıesin jetildirý jáne tólemder máseleleri boıynsha ózgerister men tolyqtyrýlar engizý týraly» 2020 jylǵy 30 jeltoqsandaǵy Qazaqstan Respýblıkasynyń Zańy; 2021 jylǵy 5 qańtarda «Egemen Qazaqstan» jáne «Kazahstanskaıa pravda» gazetterinde jarııalanǵan «Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» 2021 jylǵy 2 qańtardaǵy Qazaqstan Respýblıkasynyń Zańy; 2021 jylǵy 5 qańtarda «Egemen Qazaqstan» jáne «Kazahstanskaıa pravda» gazetterinde jarııalanǵan «Qazaqstan Respýblıkasynyń keıbir zańnamalyq aktilerine ekologııa máseleleri boıynsha ózgerister men tolyqtyrýlar engizý týraly» 2021 jylǵy 2 qańtardaǵy Qazaqstan Respýblıkasynyń Zańy) mynadaı ózgerister men tolyqtyrýlar engizilsin:

1) 37-baptyń 1-tarmaǵy birinshi bóliginiń 7-9) tarmaqshasy mynadaı redaksııada jazylsyn:

«7-9) aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq júıeleriniń tizbesin ázirleıdi jáne bekitedi;»;

2) 37-1-bap mynadaı mazmundaǵy 8-9) tarmaqshamen tolyqtyrylsyn:

«8-9) tıisinshe ýákiletti organ nemese oblystardyń jergilikti atqarýshy organdary bekitken tizbeler boıynsha aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen halyqqa berilgen aýyzsýdyń bir tekshe metri úshin tólemaqy mólsherin esepteý ádistemesin ázirleıdi jáne tabıǵı monopolııalar salalarynda basshylyqty júzege asyratyn ýákiletti organmen kelisý boıynsha bekitedi;»;

3) 38-bap mynadaı mazmundaǵy ekinshi bólikpen tolyqtyrylsyn:

«Oblystardyń jergilikti ókildi organdary tıisinshe ýákiletti organ nemese oblystardyń jergilikti atqarýshy organdary bekitken tizbeler boıynsha aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen halyqqa berilgen aýyzsýdyń bir tekshe metri úshin tólemaqy mólsherin bekitedi.»;

4) 39-bapta:

10) tarmaqshadaǵy «jáne ýákiletti organ bekitken tizbe boıynsha aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen aýyz sý berý» degen sózder alyp tastalsyn;

mynadaı mazmundaǵy ekinshi bólikpen tolyq­tyrylsyn:

«Oblystardyń jergilikti atqarýshy organdary:

1) aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy oqshaý júıeleriniń tizbesin ázirleıdi jáne bekitedi;

2) tıisinshe ýákiletti organ nemese oblystardyń jergilikti atqarýshy organdary bekitken tizbeler boıynsha aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen halyqqa berilgen aýyzsýdyń bir tekshe metri úshin tólemaqy mólsherin ázirleıdi jáne oblystardyń jergilikti ókildi organdaryna bekitýge usynady;

3) tıisinshe ýákiletti organ nemese oblystardyń jergilikti atqarýshy organdary bekitken tizbeler boıynsha aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen aýyzsý berý jónindegi kórsetiletin qyzmetterdiń qunyn sýbsıdııalaý jónindegi is-sharalardy iske asyrady;

4) kommýnaldyq sharýashylyq salasyndaǵy ýákiletti organǵa aýyzsýmen jabdyqtaýdyń balamasyz kózderi bolyp tabylatyn sýmen jabdyqtaýdyń erekshe mańyzdy oqshaý júıeleriniń tizbesin, onyń ishinde oǵan ózgerister jáne (nemese) tolyqtyrýlar engizgen kezde bekitý týraly aqparat beredi.»;

5) 135-baptyń 1-tarmaǵynyń 5) tarmaqshasyndaǵy «ýákiletti organ bekitetin tizbe boıynsha» degen sózder «tıisinshe ýákiletti organ nemese oblystardyń jergilikti atqarýshy organdary bekitken tizbeler boıynsha» degen sózdermen aýystyrylsyn.

2-bap. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti    Q.TOQAEV

Nur-Sultan, Aqorda, 2021 jylǵy 25 qańtar

№ 411 -VI QRZ