Bul Qazaqstannyń joǵary bilim berý tarıhynda buryn-sońdy bolmaǵan oqıǵa.
Bilim berý baǵdarlamasynyń mazmunyn tereń taldaı kele, ınstıtýt sarapshylary KAZGUU-diń «Qarjy» bakalavrıaty baǵdarlamasy CFA Level 1 kásibı sertıfıkattaý mazmunyn 91%-ǵa jabatynyn atap ótti.
– Qazaqstan halqynyń belgili bir bóliginde jınaǵan aqshasy bar. Biraq ınvestısııalaýdyń quraldary óte az. Kórip otyrǵanymyzdaı, olar jyljymaıtyn múlik naryǵyna belsendi túrde ınvestısııa salýda. Bul áreketteri turǵyn úı baǵasynyń ósýine alyp kelýde. Sondyqtan naryqqa ınvestısııalaý salasynda saýatty jumys isteı alatyn bilikti mamandar qajet, deıdi KAZGUU Ekonomıka joǵary mektebiniń dırektory Sáýle Kemelbaeva.
Instıtýttyń áriptestik baǵdarlamasy qatysýshylary arasynda AQSh, Ulybrıtanııa, Kanada, Qytaı, Aýstralııa, Gonkong jáne Eýropa men Azııanyń birqatar elderiniń bedeldi ýnıversıtetteri bar.
– CFA qarjy salasyndaǵy eń bedeldi sertıfıkasııa bolyp tabylady. О́ıtkeni atalǵan sertıfıkasııaǵa ıe adamdar álemde, ásirese Qazaqstanda az. Bul ulttyq jáne halyqaralyq kompanııalarǵa jumysqa ornalasýǵa biregeı múmkindik usynatyn óte kúrdeli jáne keń quzyretti sertıfıkattaý kompanııasy. Olar bizdiń úzdik stýdentterimizge sertıfıkat emtıhanyn tapsyrýy úshin jyl saıyn stıpendııa alý quqyǵyn da berip otyr, deıdi Sáýle Kemelbaeva.
CFA Institute – 1963 jyldan bastap jumys isteıtin ınvestısııa salasyndaǵy kásipqoılardyń jahandyq qaýymdastyǵy. Atalǵan baǵdarlama búkil álemdegi qarjy taldaýshylary men konsýltanttarynyń jáne basqa da ınvestısııalyq mamandardyń daǵdylary, adaldyǵy men quzyrettiliginiń standarttaryn belgileıdi. Bul ınvestısııalaý salasyndaǵy eń qatań sertıfıkattaý baǵdarlamasy ekenin e aıta ketken jón.
