Máselen, jýyrda Sybaılas jemqor­lyqqa qarsy is-qımyl agenttigi Serik­testik departamenti dırektorynyń orynbasary Perızat Sádýaqas ótken jyly sáýirde iske qosylǵan eksklıýzıvti kontenti bar AntikorNews atty erekshe medıa jobasyna toqtaldy. Osy ýaqyt aralyǵynda bul joba atal­­ǵan agenttiktiń BAQ-pen jáne jurt­shy­lyqpen ózara is-qımylynyń mańyz­dy quralyna aınalǵan.  Sybaılas jem­qorlyqqa qarsy kontenttiń úzdiksiz on­laın kórsetilimin qamtamasyz etý ar­qyly Antıkor qyzmetiniń nátıjeleri men basymdyqtary týraly jedel habarlar taratylyp otyrǵan.

Perızat Sádýaqastyń aıtýynsha, qazaq jáne orys tilderinde aqparat taratatyn AntikorNews jańalyqtary aldyn alý sharalaryna, sybaılas jem­qorlyqqa qarsy zańnamaǵa, agenttiktiń qoǵamdyq alańdaǵy jumysyna qatysty máselelerdiń keń aýqymyn qamtyp ke­ledi eken. Máselen, «Adaldyq alańy», arnaıy monıtorıng toby, respýb­lı­kalyq aqparattyq-aǵartý shtaby, «Sapaly jol», «Ashyq bıýdjetterdiń ınteraktıvti kartasy», «Adal kómek», «Sanaly urpaq» jáne basqasy bar.

Jańalyqtar apta saıyn agenttiktiń resmı saıtynda jáne áleýmettik je­lilerdegi akkaýnttarynda jarııalanyp, barlyq óńirlik telearnalardan kórsetiledi. Osylaısha, ótken jy­ly ortalyq apparat agenttiktiń qyz­metine qatysty AntikorNews-tiń 40 shyǵarylymyn, aýmaqtyq departamentter 650 shyǵarylymyn ázirlegen. Perızat Sádýaqas bul jobanyń az­ ǵa­na ýaqyt aralyǵynda nátıje berip, suranysqa ıe bolǵanyn, onyń tujy­rymdamasyna tipti Iordanııa Korol­digi Sybaılas jemqorlyqqa qarsy komıssııasynyń qyzyǵýshylyq tanytyp, óz vedomstvolarynda osyndaı jobany engizýdi josparlap jatqandyǵyn atap ótti.

– AntikorNews jobasynyń aıasynda 60-qa jýyq baspasóz máslıhaty ótkizilip, 130-ǵa jýyq jedel túsirilim jáne BAQ-ta 6,2 myńnan astam materıal­ jarııalandy. Sybaılas jemqorlyqqa qarsy ózekti taqyryptar boıynsha aýmaq­­tyq departamentter de apta sa­ıyn­ ózderiniń baspasóz brıfıngterin uıymdastyrdy. Byltyr 800-den asa spıkerdiń, sondaı-aq oblys ákimderiniń qatysýymen 587 baspasóz máslıhaty ótkizildi, – dedi ol.

Bul rette, departament dırektory­nyń orynbasary parasattylyq ıdeologııasyn túsindirýge jáne qoǵamda sybaılas jemqorlyqqa qarsy mádenıetti qalyptastyrýǵa arnalǵan onlaın-alań sanalatyn AntikorLive medıa-jobasyna da toqtaldy.

– Agenttiktiń AntikorLive medıa-jobasy parasattylyq ıdeologııasyn túsindirýge jáne qoǵamda sybaılas jemqorlyqqa qarsy mádenıetti qa­lyp­­tastyrýǵa baǵyttalǵan. Budan bó­lek, joba aıasynda memleketimizdiń sybaılas jemqorlyqqa qarsy is-qı­myl salasyndaǵy saıasatynyń túrli as­­pektileri qamtylyp otyrady, – dedi Perızat Sádýaqas.

Aıta keteıik, AntikorLive jobasy­nyń aýdıtorııasyn tanymal áleýmettik jeliler men beınehostıngterdiń oqyr­mandary quraıdy. «Tikeleı efırler» belgilengen ýaqytta ortalyq jáne jergilikti atqarýshy organdar qyzmetkerleriniń, kvazımemlekettik sektor ókilderiniń, sondaı-aq qoǵamdyq pikir kóshbasshylarynyń qatysýymen suhbat, blıs, dáris formatynda ótedi. Efır BAQ-ta jarııalanyp, sonyń barysynda spıkerler azamattardyń su­raqtaryna jaýap beredi. Tipti keıbir taqyryptar qoǵamdyq rezonansqa ıe bolyp, memlekettik organdardyń nazaryn problemalyq máselelerge aýdarady.

– О́tken jyly AntikorLive jo­basynyń aıasynda 150 spıkerdiń qa­tysýymen 139 tikeleı efır ótti. О́ńir­­­­lerde 4 500-den astam spıkerdiń qatysýymen 5,5 myń tikeleı efır uıym­dastyryldy. Jalpy, qaralym sany shamamen 4 mıllıondy qurady. Byltyr agenttik alańyndaǵy AntikorLive jobasyna birqatar sheneýnikter men aıtýly azamattar, ortalyq memlekettik jáne jergilikti atqarýshy organdardyń basshylary, sondaı-aq qoǵam ókilderi qatysty, – dedi Perızat Sádýaqas.

Esepti kezeńde agenttik jergilikti at­qarýshy organdarmen jáne qoǵam­dyq uıymdarmen birlesip, sybaılas jemqorlyqqa qarsy taqyrypqa ar­nalǵan 3,5 myńnan astam bılbordtar men bannerler, 1 100-den astam beı­­nerolık, 400-ge jýyq aýdıorolık daıyndaǵan. Sondaı-aq ótken jy­ly Sybaılas jemqorlyqqa qarsy qyz­met áleýmettik jelilerde birqatar bo­lashaǵy bar jobalardy iske qosty.

Máselen, byltyr agenttik áleý­met­tik jelilerde AntikorNews, AntikorLive syndy bastamalarymen qatar, «Agenttik qyzmetkeriniń bir kúni» jáne AntikorCase sııaqty áleý­mettik jeli qoldanýshylary arasynda oń pikirge ıe bolǵan, erteńinen úmit kúttirerlik jobalardy iske qosty. Belsendilikti arttyrý úshin Instagram paraqshasynda jańa aıdarlar ashylǵan. Aýdıtorııany tartý maqsatynda «Siz bilesiz be?», «AntıkorTalanttary», «Uly­lardyń qanatty sózderi», «Kún sany», «Mıf jáne shyndyq» aıdar­larymen qatar, tanymdyq jáne anı­masııalyq postar, beınerolıkter ja­rııalanǵan.

Sondaı-aq agenttik qyzmetiniń ashyq­­­­tyǵy men aıqyndyǵynyń kórset­ki­shi sanalatyn Antikor ortalyǵy ser­vıstik ortalyǵy da, keri baılanys­tyń pármendi tetigi retinde tanylǵan «Ashyq dıalog» elektrondyq úkimet portaly da mańyzdy bastamalar sanalady.

Agenttik búginde sybaılas jem­qor­lyqqa qarsy is-qımyl salasyndaǵy aza­mattyq bastamalardy talqylaýǵa jáne iske asyrýǵa árqashan daıyn.