Qazaqstan • 27 Qańtar, 2021

Qazaqstan turǵyn úı salý boıynsha alǵa shyqty

5 ret kórsetildi

2020 jyldyń qorytyndysy boıynsha Qazaqstan TMD elderi ishinde turǵyn úı qurylysy boıynsha eń joǵarǵy nátıje kórsetken. Indýstrııa jáne ınfraqurylymdyq damý mınıstrligi baspasóz qyzmetiniń aqparaty boıynsha elimizde adam basyna 0,81 sharshy metrden kelgen.

Reseıde adam basyna 0,56 sharshy metrden kelse, bul kórsetkish Belarýsııada 0,45, О́zbekstanda 0,36-ǵa teń. Vedomstvo taratqan derekke súıensek, byltyr Qazaqstanda barlyq qarjylandyrý kózderi esebinen 15,3 mıllıon sharshy metr baspana paıdalanýǵa berilgen. Bul 2019 jylmen salystyrǵanda 16,8 paıyzǵa artyq eken.

Endi azamattardyń BJZQ-dan zeınetaqy jınaǵynyń bir bóligin ala bastaýy da turǵyn úıge degen suranysty arttyra túsýi múmkin. Osylaısha, elimiz ekinshi jyl qatarynan baspana salý boıynsha qara úzip alda keledi.

«Nurly jer» memlekettik turǵyn úı-kommýnaldyq damý baǵdarlamasynyń  sheńberinde halyqqa qolaıly turmystyq jaǵdaılar jasaý, turǵyn úıdiń qol jetimdiligi men jaılylyǵyn arttyrý, sondaı-aq turǵyn úı ınfraqurylymyn damytý – memlekettik saıasattyń basym baǵyty, – deıdi qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.

Byltyr maýsym aıynda ındýstrııa jáne ınfraqurylymdyq damý mınıstri Beıbit Atamqulov turǵyn úı qurylysy qarqynynyń báseńdep qalǵanyn aıtqan bolatyn. «Bes aıdyń qorytyndysy boıynsha 4 075 000 sharshy metr baspana paıdalanýǵa berildi. Bul 2019 jylǵy kórsetkishtiń 88,4 paıyzy ǵana. Qazir respýblıka boıynsha 33 479 turǵyn úı salyndy, onyń ishinde 14 209-y jeke úıler» degen edi mınıstr.

Áý basta mınıstrliktiń jospary 2020 jyly 14,1 mln sharshy metr turǵyn úı salyp bitirý bolǵan. Bul týraly byltyr aqpanda vıse-mınıstr Qaıyrbek О́skenbaev aıtqan. Al mınıstrlik bul josparyn asyra oryndap, salynyp bitken turǵyn úı kólemin 15,3 mln sharshy metrge jetkizip bir-aq toqtaǵan. Budan ańǵarǵanymyz – Qazaqstan 7 aıda (maýsym aıynan beri) 11 mln sharshy metrden astam baspanany salyp, paıdalanýǵa usynǵan. Árıne, qarjysyz is bitpeıdi. Mınıstrliktiń jyl basyndaǵy jospary oryndalý úshin bıýdjetten tys qarjy kózinen qosymsha 390 mlrd teńge bólingen.

Jalpy, 2020 jyldyń qańtar-qarasha aılary aralyǵynda turǵyn úı qurylysyna 1 trln 700,5 mlrd teńge jumsalǵan. Bul soma 2019 jylmen salystyrǵanda 33,4 paıyzǵa kóp.

Qazaqstanda kópqabatty úıdiń 1 sharshy metrine ketetin shyǵyn 143,4 myń teńge bolsa, jeke qurylys kompanııalary salǵan turǵyn úılerde 1 sharshy metr 91,5 myń teńgege baǵalanady. 

 

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar