Qarjy • 27 Qańtar, 2021

2021 jylǵy qańtardaǵy jaǵdaı boıynsha zeınetaqy aktıvteriniń kórsetkishi qandaı?

30 ret kórsetildi

enpf.kz saıty 2021 jylǵy 1 qańtardaǵy jaǵdaı boıynsha BJZQ zeınetaqy aktıvteriniń ınvestısııalyq portfelin jarııalady, dep habarlaıdy Egemen.kz.

2021 jylǵy 1 qańtardaǵy jaǵdaı boıynsha Qazaqstan Respýblıkasy Ulttyq Bankiniń senimgerlik basqarýyndaǵy BJZQ zeınetaqy aktıvteri shamamen 12,9 trln teńgeni qurady. 

Esepti kúngi jaǵdaı boıynsha BJZQ zeınetaqy aktıvteri esebinen qalyptastyrylǵan qarjy quraldarynyń ınvestısııalyq portfeliniń qurylymy BJZQ resmı saıtynyń «Kórsetkishter»-«Investısııalyq qyzmet» bóliminde ornalastyrylǵan. 

QR 2020 jylǵa arnalǵan Ulttyq qoryn basqarý jónindegi Keńes maquldaǵan baǵyttar sheńberinde QR UB (senimgerlik basqarýshy retinde) ınvestısııalaýdyń negizgi baǵyttaryn bylaısha kórsetken: 

- QR Qarjy mınıstrligi shyǵarǵan, aǵymdaǵy quny 5 648,4 mlrd teńgeni (barlyq portfeldiń 43,8%)  quraıtyn QR Memlekettik baǵaly qaǵazdary, teńgemen nomınaldanǵan MBQ ortasha alynǵan kiristiligi jylyna 8,8% , AQSh dollarynda – jylyna 4,4%  qurady; 

- QR kvazımemlekettik uıymdarynyń oblıgasııalary (aǵymdaǵy quny 1 821,67 mlrd teńge (14,13 %), teńgege nomınaldanǵan osy quraldar boıynsha ortasha alynǵan kiristilik jylyna 10,8%, AQSh dollarynda – jylyna 5,2% qurady; 

- 1 158,49 mlrd teńge (8,98%) bolatyn QR Ekinshi deńgeıdegi bankteriniń oblıgasııalary. jyl basymen salystyrǵanda EDB oblıgasııalarynyń úlesi 2,1% azaıdy. QR EDB teńgede nomınaldanǵan oblıgasııalary boıynsha óteýge ortasha alynǵan kiristilik jylyna 10,1%, AQSh dollarynda – jylyna 6,3%  qurady; 

- 816,53 mlrd teńge mólsherinde syrtqy basqarýdaǵy aktıvter (portfeldiń 6,33%). 2020 jylǵy 1 qańtarmen salystyrǵanda 285,36%  ósýi esepti kezeń ishinde mandat sharttaryna sáıkes júrgizilgen ınvestısııalarǵa negizdelgen.

Aktıvter sondaı-aq, sheteldik jáne qazaqstandyq bankterdiń depozıtterine (tıisinshe, búkil portfeldiń 2,19% jáne 1,95%), Qazaqstan Respýblıkasy Ulttyq Bankiniń depozıtterine (2,58% quraıdy), qazaqstandyq emıtentterdiń aksııalary men depozıtarlyq qolhattaryna (úlesi 2,28%), sheteldik emıtentterdiń aksııalary men depozıtarlyq qolhattaryna (0,24%) jáne naryq talaptaryndaǵy basqa da qarjy quraldaryna ártaraptandyrylǵan. 

BJZQ zeınetaqy aktıvteri esebinen satyp alynǵan qarjy quraldary nomınaldanǵan valıýtalar bólinisinde qarjy quraldarynyń ınvestısııalyq portfeli tómendegideı kóriniske ıe: 

- ulttyq valıýtadaǵy ınvestısııalar – 70,91 %, AQSh dollarynda – 28,9 %, basqa valıýtalarda – zeınetaqy aktıvteri portfeliniń 0,19%. 

Eseptelgen ınvestısııalyq tabystyń qurylymy mynadaı:

- baǵaly qaǵazdar, onyń ishinde ornalastyrylǵan salymdar jáne  «keri REPO»  operasııalary boıynsha syıaqy túrindegi kirister 831,68 mlrd teńge;

- baǵaly qaǵazdardy naryqtyq qaıta baǵalaýdan kirister (shyǵyndar) 85,76 mlrd teńge; 

- shetel valıýtasyn qaıta baǵalaýdan kirister (shyǵyndar) 291,02 mlrd teńge;

- basqa aktıvterdi qaıta baǵalaýdan kirister (shyǵyndar) (PFI) (5,49) mlrd teńge; 

- syrtqy basqarýdaǵy aktıvter boıynsha kirister (shyǵyndar) 50,25 mlrd teńge;

- basqa da kirister 9,28 mlrd teńgeni qurady.

Investısııalyq qyzmet nátıjesinde, sondaı-aq, shetel valıýtalary baǵamdarynyń qubylmalylyǵy jáne qarjy quraldarynyń naryqtyq qunynyń ózgerýi saldarynan eseptelgen ınvestısııalyq kiris mólsheri 2020 jyldyń basynan bastap 1,3 trln teńgeni qurady. 2020 jyldyń basynan bastap salymshylardyń (alýshylardyń) shottaryna bólingen BJZQ zeınetaqy aktıvteriniń kiristiligi ınflıasııa 7,5% bolǵan kezde 10,92% qurady.

Jınaqtaýshy zeınetaqy júıesi engizilgennen beri salymshylar alǵan ınvestısııalyq tabys 5,6 trln teńgeden asty. 1998 jyldan (jınaqtaýshy zeınetaqy júıesi jumys isteı bastaǵan) bastap ınvestısııalyq tabystylyq ósý qorytyndysymen 602,90%  qurady. Bul rette ınflıasııa 496,65% boldy. Osylaısha 2021 jylǵy 1 qańtardaǵy jaǵdaı boıynsha zeınetaqy aktıvteriniń naqty tabystylyǵy 106,25%  qurady. 

 

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar