Atap aıtqanda, 3 aqpanda – Qarjy mınıstri Erulan Jamaýbaev, 5 aqpanda – Mádenıet jáne sport mınıstri Aqtoty Raıymqulova, Bilim jáne ǵylym mınıstri Ashat Aımaǵambetov, 19 aqpanda – Ekologııa, geologııa jáne tabıǵı resýrstar mınıstri Maǵzum Myrzaǵalıev, 24 aqpanda – Ulttyq ekonomıka mınıstri Áset Irǵalıev, 25 aqpanda – Saýda jáne ıntegrasııa mınıstri Baqyt Sultanov jáne 26 aqpanda – Energetıka mınıstri Nurlan Noǵaev azamattardy qabyldaıdy.
Qabyldaýǵa jazylý úshin tómendegi nómirlerge habarlasý kerek:
1. Call-ortalyq 8 800 080 4441 (Qazaqstan boıynsha qońyraý shalý tegin);
2. Whatsapp 8700 800 4441
3. komek@nurotan.kz
Aıta ketý kerek, ótken jyly «Nur Otan» partııasynyń qoǵamdyq qabyldaý bólmesine búkil el boıynsha 393,2 myńnan astam ótinish kelip tústi, bul 2019 jylmen salystyrǵanda 2 ese kóp.
Bul rette sońǵy 5 jylda partııaǵa 1,2 mln adam júgindi, onyń ishinde 423 myńnan astamy – onlaın-formatta. Olardyń 92% oń sheshimin tapty, tegin konsýltatıvtik, quqyqtyq jáne ózge de kómek kórsetildi.
Taldaý kórsetkendeı, halyqty negizinen áleýmettik qamsyzdandyrý – 30%, turǵyn úı-kommýnaldyq sharýashylyq – 16%, turǵyn úımen qamtamasyz etý – 15%, eńbek daýlary – 14%, qurylys – 9%, bilim berý – 9%, medısınalyq qyzmet kórsetý – 7% máseleleri alańdatty.
