13 jastaǵy Azamat Nurqoja Aqtaýdaǵy №8 mektepte bilim alýda. Anasynyń aıtýynsha, balaqaıdyń ónerin úsh jasynda baıqaǵan. Osy jasynda búldirshin shpagatqa otyryp, bes jasynda aıaǵyn moınyna asyp qoıyp júripti.
"Túnde keıde buralyp uıyqtaı beredi. Alǵashynda úreılenip, keıin bul áreketterin vıdeoǵa túsirip, týystarǵa jiberetin boldyq. Biraz jarystarǵa da qatysyp, tanyla da bastady. Azamat eń alǵash 7 jasynda “Balanyń bári talantty” baǵdarlasyna qatysqany úshin "Mańǵystaý” telearnasynyń basshysynan alǵys hat alǵan bolatyn”- deıdi Azamattyń anasy Baıbozova Janna.
Mektep dırektory Isjanova Aselhannyń aıtýynsha: "Azamattyń sabaq úlgerimi jaqsy, barlyq sabaqtarǵa belsendi jáne ózin árdaıym izdenis ústendegi oqýshy ekenin kórsetip otyrady.
Atap aıtatyn bolsaq Azamat talanty men tárbıeni qatar alyp júrgen oqýshy. Úıdegi ata-ana tárbıesi bala úshin mańyzdy. Sondyqtan Azamattyń boıynan talantynan bólek tárbıe men sabaqqa degen yntasyn kórýge bolady” - deıdi.
“Orkestr múshesi bolyp joǵary jetistikterge jetkim keledi. Býynsyz bala retinde maǵan kóp shaqyrtýlar keldi. Biraq men dombyra qulaǵynda oınap joǵarǵy deńgeıdegi kúıshi bolǵym keledi”- deıdi ónerpaz.
Azamat osyǵan deıin biraz jetistikke jetken:
2018 jyly "Balapan" telearnasynda "Dara bala" telejobasynyń qatysýshysy; Respýblıkalyq "Qazaqstan talanttary" baıqaýynda dıplomant; Halyqaralyq "Bala shabyty" baıqaýynda II oryn; "Uly dala urpaǵymyz" jarysynda laýreat; "Tańǵy shuǵyla" baıqaýynda "býynsyz bala" nomınasııasynyń I oryn ıegeri; Halyqaralyq "Zvezda ýdachı" dodasynyń I oryn júldegeri.
