«Menin Armanym» korporatıvtik qory – elimizdiń ər aımaqtarynan kelgen aýyr naýqas balalardyń armanyn oryndaıdy. Osyǵan oraı uıym ókilderi qor jumysynyń alǵashqy úsh aıynyń qorytyndylaryn aıtyp berdi.
Osy oraıda «Menin Armanym» qorynyń dırektory Shamıl Vankeev azdy-kópti pikirimen bólisti.
«Biz bul joba týraly oılaǵan kezde uzaq ýaqyt boıy elimizdiń qaıyrymdylyq naryǵyn zerttedik. О́zderińiz biletindeı, Qazaqstanda qaıyrymdylyq qorlary kóp, biraq áli biryńǵaı júıe qalyptasa qoımady. Qorlar birneshe baǵytta jumys isteıdi, biraq bizdiń uıym armannyń oryndalýyn tańdap aldy. Biz Túrkııaǵa baryp, 40 jyldaı jumys istegen uıymnyń tujyrymdamasyn zerttedik. Bertinge deıin olar əlemdegi 500 myń balanyń armandaryn oryndady. Qazaqstanda mundaı alań bolmaǵandyqtan, túrik əriptesterimizdiń jumysymen tanysyp, ári qaraı óz qorymyzdy qurýǵa bel býdyq», deıdi Qor dırektory.
Qordyń basty ereksheligi – densaýlyǵynda kinərat bar 3 jastan 18 jasqa deıingi balalardyń armandaryn oryndaıdy. Qor syılyqtar bermeıdi nemese emdelýge qarajat jınamaıdy. Biraq olar balalardyń ishki qalaýyndaǵy nıetin oryndaýǵa qolushyn tıgizedi.
Shamıl Vankeevtiń aıtýynsha, búginge deıin ár óńirdegi naýqas 13 balanyń qalaýy júzege asyrylǵan. Sonymen qatar bul korporatıvtik qorǵa kez kelgen adam erikti bolyp jumys isteı alady. Degenmen qor basshysy eriktilerdi bastapqy kezde psıhologııalyq turǵydan daıyndaıtyndaryn tilge tıek etti.
«Biz olardy psıhologııalyq turǵydan daıyndaımyz. Eń aldymen, Qordyń jumysyn bastamas buryn qyzmetkerlerge emosıonaldy kómek qajet ekenin túsindik. Sol sebepti olarǵa motıvasııa bere otyryp, eriktilerdiń qulshynysyn oıata bildik desek qatelespegenimiz. Osyndaı prosesterden ótkennen keıin ǵana eriktilerdiń jumys barysyndaǵy kez kelgen qıyndyqqa tótep berýine jol ashyldy. Máselen, alqashqy eki balanyń armanyn oryndaǵannan soń, olarda da emosıonaldy turǵydan qıyn ekenin túsindi. Sondyqtan biz mindetti túrde sheberlik sabaǵyn ótkizemiz. Osyǵan baılanysty jeltoqsan aıynyń sońynda olarmen qosymsha taǵy onlaın sheberlik sabaǵy ótti», deıdi Shamıl Vankeev.
Sondaı-aq ol sheberlik sabaǵyna respýblıkanyń túkpir-túkpirinen barlyq jastar qyzyǵýshylyq tanytyp, ózderiniń belsendiligin kórsetkenin aıtyp ótti. Aldaǵy tańda sýpervaızerlerge bólek sheberlik sabaǵy ótetinin qosa ketti.
«Balanyń armany oryndalǵanǵa deıin jáne odan keıin ózińdi qalaı ustaý kerek, ata-anamen qalaı sóılesý kerek degen sııaqty nərseler jəne de qıyn sətte ózińdi qalaı jeńip shyǵý kerektigi aıtylady, úıretiledi. Biz barlyǵy túsiný úshin osylaı sheberlik sabaqtaryn jeke, jeke jasaıtyn bolamyz», dedi «Menin Armanym» qorynyń dırektory Shamıl Vankeev.
«Menin Armanym» korporatıvtik qorynyń basty maqsaty − balanyń moraldyq jaǵdaıyn jaqsartý úshin pallıatıvti jəne emosıonaldy kómek kórsetý, ər balaǵa kúndelikti aýyr syrqattarmen kúresý úshin jańa serpin berý. Sonymen qatar qoǵamdastyq bastamalaryn damyta otyryp, balalarǵa kómektesý. Qazaqstannyń kez kelgen azamaty jobanyń demeýshisi bola alady nemese onyń eriktiler qozǵalysyna qatysa alady. «Menin Armanym» korporatıvtik qorynyń qyzmeti týraly qosymsha aqparatty qordyń resmı saıtynan oqı alasyz.
