«Qazaqstan Úkimeti koronavırýs ınfeksııasyna qarsy eshqandaı da qytaı vaksınasyn satyp almady jáne josparlap ta otyrǵan joq. Qurmetti azamattar! Sizderden áleýmettik jelilerdegi jalǵan aqparattarǵa ermeýdi jáne tek resmı aqparat kózderine senýdi ótinemin. Esterińizge sala keteıik, qasaqana jalǵan aqparat taratý QR QK 274-babyna sáıkes qylmystyq jaýapkershilikke ákep soǵady», - dedi Erjan Baıtanaev.
Onyń atap ótýinshe, Qazaqstanda 2021 jylǵy 1 aqpannan bastap Reseıde shyǵarylǵan Gam-KOVID-Vak («Spýtnık V») vaksınasyn paıdalana otyryp, KVI-ǵa qarsy vaksınasııa bastalady. Odan ári vaksınalaý prosesine Qaraǵandy farmasevtıkalyq kesheniniń bazasynda óndirilgen Gam-KOVID-Vak vaksınasy qosylady. 2021 jyldyń 2-toqsanynan bastap vaksınalaý prosesine otandyq - QazCovid-In preparatyn qosý josparlanyp otyr. Bul vaksına qazirgi ýaqytta klınıkalyq synaqtyń 3-kezeńinen ótýde.
Gam-KOVID-Vak vaksınasy Reseı Federasııasynda memlekettik tirkeýden ótken jáne birneshe aı boıy halyqtyń osal toptaryn ımmýndaý úshin qoldanylyp keledi. Reseı Federasııasynyń Tikeleı ınvestısııalar qorynyń málimetteri boıynsha, bul vaksınany satyp alýǵa 50-ge jýyq memleket ótinish bergen.
