Parlament • 28 Qańtar, 2021

Memlekettik baqylaýdyń osaldyǵynan halyq zardap shegýde - senator

10 ret kórsetildi

Senator Andreı Lýkın lombardtar men mıkroqarjy uıymdarynyń jumysyna qatysty olqylyqtarǵa jáne qazirgi normalardyń durys oryndalmaýyna baılanysty ondaǵan myń qazaqstandyqtyń zardap shegýge májbúr bolyp otyrǵanyn aıtyp, alańdaýshylyq bildirdi, dep jazady Egemen.kz

Osyǵan oraı depýtat Qarjy naryǵyn retteý jáne damytý agenttigine saýal joldap, qazirgi tańda lombardtar óz jumysyn bastaǵany týraly memlekettik organdarǵa eskertpeýge quqyly ekenin atap ótti. Bul olardyń qyzmeti Agenttik tarapynan baqylanyp, rettelmeıdi degen sóz. Osyndaı lombardtardy tekserý múmkindiginiń joqtyǵyna baılanysty olarǵa qatysty qandaıda bir ákimshilik shara qoldaný da múmkin emes.

Sonymen qatar senator mundaı qarjy uıymdarynyń qyzmetine baqylaý júrgizýge mindetti keıbir memlekettik organdar esh is-áreket jasamaı otyrǵanyn da tilge tıek etti. Munyń bári túrli qarjy pıramıdalarynyń paıda bolýyna jol ashatyny sózsiz.

«Jekelegen qarjy uıymdarynyń saldarynan 17 myńdaı azamat zardap shekti. Keltirgen shyǵyn kólemi 21 mlrd. teńgeden astam. Qazirgi tańda elimizdiń 14 óńirinde alaıaqtyqqa jáne qarjy pıramıdalaryna qatysty 32 qylmystyq is tergelýde. Osyǵan deıingi zańnamalarǵa júrgizilgen monıtorıng nátıjesinde ókiletti organdar qabyldaǵan birqatar aıtarlyqtaı jeńildikter lombardtardyń tıisti organdar tarapynan baqylaýsyz jumys isteýine ákelip soqtyrǵan. Qazirgi qalyptasyp otyrǵan jaǵdaıdyń da basty sebebi osy», – deıdi Senat depýtaty.

Sondyqtan Andreı Lýkın mıkroqarjy uıymdarynyń qyzmetin baqylaý úshin biryńǵaı aqparattyq júıe qalyptastyrýdyń mańyzy zor dep esepteıdi. Sondaı-aq, kepilge qoıylǵan múlikti onyń ıesine avtomatty túrde eskerte otyryp, jarııa saýda ótkizetin platforma qajet. Tirkelmegen barlyq lombard zańdy túrde qaıtadan qurylýǵa nemese múldem jabylýǵa tıis. Odan bólek, depýtattyq saýalda zaım bergen kezdegi komıssııa kólemin reglamentteýge jáne qaýipsizdik pen tehnıkalyq jabdyqtaýǵa qoıylatyn talaptarǵa qatysty zańnamalardy jetildirýdiń mańyzdy ekeni aıtyldy.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar