Ol urlyqtyń aldyn alý men tergeý jumystarynyń qorytyndysyn aıtty. «О́tken jyly biz, jalpy qylmystardyń sanyn 31,1 paıyzǵa azaıttyq. Máselen, 2019 jyly óńirde 8246 qylmys bolsa, ony 2020 jyly 5684-ke tómendettik. Al, ashylý kórsetkishin 58,3 paıyzdan 61,9 paıyzǵa deıin jaqsarttyq», dedi ol óz sózinde.
Ardaq Madımarovtyń aıtýynsha, oblystaǵy árbir úshinshi qylmys – bótenniń múlkin urlaý deregi eken. Alaıda, qazirgi kezde tártip saqshylarynyń jumysynyń nátıjesinde ózgeniń materıaldyq múlkine qol salatyndardyń qarasy azaıǵan. Máselen, jalpy urlyqtar sany 47,5 paıyzǵa deıin tómendep, al qylmystyń ashylýy 46,7 paıyzǵa deıin artqan. Sondaı-aq Ardaq Madımarov urlyqtyń eń kóp bóligi oblys ortalyǵynda jasalatynyn atap ótti. О́tken jyly urlyq deregi boıynsha 546 páter tonalsa, 758 uıaly telefondardy urlaý deregi tirkelipti. Qoǵamdyq oryndar men kólikterde qalta urylary kóp kezdesetini belgili. Bul rette byltyr kisi qaltasyna qol salǵan 127 urynyń 53-i qamaýǵa alynǵan. Polısııa polkovnıgi óz sózinde tártip saqshylaryna eriktilerdiń de kóp kómek tıgizgenin atap ótti. Ásirese habar-osharsyz ketken adamdardy tabý jumysynda erikti jastardyń járdemi kóp bolǵan. Olar polıseılermen birlese otyryp dereksiz ketken 130 adamnyń ornalasqan jerin anyqtaǵan.
Jambyl oblysy
