«Qańtar aıyndaǵy kezekti tekseris kezinde «Atyraý-Oral» tas jolynyń 5-189, 125-150, 160-170 shaqyrymdary aralyǵyndaǵy jol qarmen nyǵyzdalǵany anyqtaldy. Bul kólikterdiń júrýine kedergi keltiredi. Sol sebepten, joldarǵa kútim jasaıtyn «QazaqAvtodor» JShS-ne olqylyqty joıý týraly hat joldandy. Nátıjesinde «Aqtóbe-Atyraý-Reseı shekarasy» jolynyń 458-487, 504-598, 892-893 shaqyrymyna, «Atyraý-Oral» tas jolynyń 5-189 shaqyrymyna, sondaı-aq, «Dossor-Qulsary-Beıneý» jolynyń 0-210 shaqyrymyna 81 tonna tuz, 588 tonna qum sebildi. Mundaı jumys 22 qańtarda jaýǵan qardan keıin de júrgizildi. Ortalyq mamandary tas joldardaǵy kólik qozǵalysynyń qaýipsizdigin baqylaýǵa alyp otyr», deıdi oblystyq fılıal ınjeneri Mereı Teleýǵalıev.
