Kezdesýde turǵyndar óz saýaldaryn tikeleı efır kezinde onlaın áleýmettik jeliler men baılanys telefondary arqyly joldady. Jalpy turǵyndar men BAQ ókilderi tarapynan 30-ǵa jýyq suraq qoıyldy. Basym bóligi ınfraqurylym, zańsyz qurylys, ırrıgasııa máseleleri boldy.
Kelip túsken suraqtarǵa aýdan ákimimen qatar qala ákimi Murat Áıtenov te túsindirme jaýaptar berip, qala kólemindegi basty máseleler jóninde sóz qozǵady.
Solardyń biri – zańsyz qurylys nysandary. Murat Áıtenov qalada zańsyz qurylysqa jol berilmeıtindigin basa aıtty.
– Zańsyz qurylys meniń jiti baqylaýymda turǵan máselelerdiń biri. Ásirese turǵyn úılerdiń janynan salynǵan zańsyz nysandar turǵyndar qaýipsizdigine zııan keltiredi. Keıbiri tipti kommýnaldyq júıeniń buzylýyna alyp kelýde. Turǵyndar qaýipsizdigi – jaýapty is. Barlyǵy zań sheńberinde oryndalýy tıis. Máselen, Nursat alleıasyndaǵy, Shymsıtı, 8 mektep mańyndaǵy zańsyz qurylystar toqtatylyp, aıyppul salyndy. Osyndaı zańsyzdyqtarǵa jol bermeý úshin jeke kásipkerlerge únemi túsindirý jumystary júrgizilip jatyr. Qaladaǵy barlyq qurylys Bas josparǵa sáıkes júrgiziletinin umytpaý qajet, – dedi shahar basshysy.
Zańsyz qoıylǵan saýda oryndary da qoǵamdyq keńistikti jaýyp, turǵyndardyń júrip-turýyna kedergi keltiretinin aıtty. Merdigerlerge qurylys mádenıetin túsindirý baǵytynda ótken jyly atqarylǵan jumystarǵa da toqtaldy.
