BJZQ-nyń habarlaýynsha kelip túsken ótinimder 5 jumys kúni ishinde «Otbasy banki» AQ-daǵy salymshylardyń arnaıy shottaryna aýdarylady. Aýdarymnyń ortasha somasy 5,5 mln teńge. BJZQ zańnama talaptaryna sáıkes kelmeıtin 2 578 ótinimdi (27 paıyz) qabyldamaı tastaǵan. Bul oraıda qor ótinimderdi qabyldamaýdyń negizgi sebepterin ataıdy.
О́tinish berýshiniń alýǵa qoljetimdi zeınetaqy jınaǵy joq (qabyldanbaǵan ótinimderdiń 42 paıyzy), suralyp otyrǵan soma zeınetaqy jınaqtarynyń alýǵa bolatyn somasynan asyp túsedi (38,2 paıyz), buryn berilgen ótinim boıynsha qaıta berilgen suranystar (19,4 paıyz), ótinish berýshiniń BJZQ-da zeınetaqy jınaǵy múlde joq (0,4 paıyz).
«Zeınetaqy jınaqtary týraly aqparat «Qazaqstan Respýblıkasynda zeınetaqymen qamsyzdandyrý týraly» QR Zańynyń talaptaryna sáıkes zeınetaqy jınaqtarynyń qupııasyn qamtamasyz etý maqsatynda salymshynyń ózine ǵana beriledi.
Qoljetimdi soma týraly aqparatty enpf.kz saıtyndaǵy jeke kabınetten nemese Biryńǵaı jınaqtaýshy zeınetaqy qorynyń mobıldik qosymshasy arqyly ýákileti operatorǵa birjolǵy zeınetaqy tólemderin alýǵa tikeleı ótinim berer aldynda muqııat tekserýge keńes beremiz. Salymshynyń BJZQ-da jetkiliktilik sheginen asatyn somasy bolǵan jaǵdaıda, ony paıdalanýǵa ótinim sheksiz ret berilýi múmkin. Eger qandaı da bir sebeppen (toltyrý kezindegi qateler, durys kórsetilmegen somalar, tóleýge qoljetimdi somanyń ózgerýi jáne t. b.) salymshyǵa birjolǵy zeınetaqy tólemin alýǵa arnalǵan ótinimdi qanaǵattandyrýdan bas tartylsa, onda bas tartý sebebin joıyp, ýákiletti operatorǵa qaıtadan ótinim berýge bolady. Eger salymshy óz jınaqtaryn ártúrli maqsattarǵa paıdalanǵysy kelse, onda alýǵa bolatyn soma sheginde osy maqsattarǵa jeke ótinimder berýge bolady» delingen qordyń resmı saıtyndaǵy habarlamada.
