Aımaqtar • 31 Qańtar, 2021

Pavlodar oblysynyń bas sanıtarlyq dárigeri óńir turǵyndaryna úndeý jasady

74 ret kórsetildi

Oblystyń 9 aýdany men 3 qalasy «qyzyl aımaqta». Koronavırýstyń taralýyna baılanysty karantındik sharalar kúsheıtildi, dep habarlaıdy Egemen.kz  Pavlodarnews.kz saıtyna silteme jasap.

Foto: Konstantın Shelkov

Oblystyń bas sanıtarlyq dárigeri Batyrbek Álıev oblystyń COVID-19 boıynsha «qyzyl aımaqta» ekenin eske saldy. 1 qańtardan bastap koronavırýstyq ınfeksııa 3714 adamda rastaldy. Al, 29 qańtarda bir kúnde aýyrǵandar sany rekordtyq 296-ǵa jetti.
      - О́ńirdegi epıdemıologııalyq jaǵdaıdyń nasharlaýyna baılanysty «qyzyl aımaq» úshin áleýmettik-ekonomıkalyq nysandardyń jumysyn shekteý krıterıılerine jaýap beretin birqatar sharalar qabyldandy. Bul demalys kúnderindegi shekteýler, ujymdardyń 80 paıyzyna arnalǵan qashyqtyqtaǵy júıede jumys jasaý, adamdardyń kóp jınalýyn boldyrmaý maqsatynda áleýmettik mańyzy bar nysandardyń jumys kestesin qysqartý, mektep oqýshylaryn qashyqtyqtan oqytý, 65 jastan asqan adamdardyń qozǵalysyn shekteý, - dedi Batyrbek Álıev.

О́ńirde Aqsý-Pavlodar-Aqsý jáne Pavlodar-Aqsý-Pavlodar baǵyttarynan basqa aımaqaralyq, oblysishilik, qalaaralyq jáne aýdanaralyq jolaýshylar tasymaly toqtatyldy.

Qalalar men aýdandarda dezınfeksııany saýda nysandarynda, qoǵamdyq kólikterde, taksılerde, kireberister men lıftilerde, óndiristik nysandarda jáne qoǵamdyq oryndarda júrgizý usynyldy.

Bas sanıtarlyq dárigerdiń aıtýynsha, oblysta 20 sanıtarlyq beket ornatylady. Beketterde temperatýrany ólshep, vırýstyq ınfeksııalardyń belgilerin tekseredi. Beketterden anyqtamalar men ótkizý qujattarymen ótýge bolady. Jeke adamdardyń qozǵalý ýaqyty shekteýli bolady.

Oblystyń 5 aýdanynda qozǵalysty shekteıtin 10 sanıtarlyq beket paıda bolady:

 - Ertis aýdanynda – 31 qańtardan 14 aqpanǵa deıin Ertis aýylynda sanıtarlyq beket ornatylady;

- Maı aýdanynda – Kóktóbe jáne Keńtúbek aýyldarynda beket 29 qańtardan 12 aqpanǵa deıin jumys isteıdi. Jaıaý júrginshiler men avtokólik júrgizýshileri sanıtarlyq beketten saǵat 7-den 20:00-ge deıin anyqtamalarmen óte alady;

- Jelezınde – 1-15 aqpan aralyǵynda Jelezın jáne Bashmachnoe aýyldarynda;

- Ýspende – 4 sanıtarlyq beket Galıskoe, Qońyrózek, Qozyketken jáne Konstantınovka aýyldarynda ornalasady;

- Aqqýly aýdanynda – ázirge aýdan ortalyǵynda tek bir sanıtarlyq beket ornatyldy.

- Men búkil oblys boıynsha shekteý sharalaryn, onyń ishinde betperde rejımi men áleýmettik qashyqtyqty saqtaýdy baqylaý kúsheıtiletindigin aıta ketkim keledi. Ýchaskelik polısııa qyzmetiniń jumysy jasyryn ótetin otbasylyq, ujymdyq sharalardy anyqtaýǵa baǵyttalady, - dedi bas dáriger.

Monıtorıngtik toptar naýqastardyń jáne baılanysqa túsken adamdardyń karantındi qalaı saqtaıtyndyǵyn, úıdegi naýqastardy muqııat baqylaýǵa ala bastaıdy.

65 jastan asqan oblys turǵyndaryna kóshede az júrýge keńes beriledi.

Respıratorlyq ınfeksııanyń alǵashqy belgileri - murynnan sý aǵý, túshkirý nemese bezgegi bar kez-kelgen adam úıde medısınalyq kómekke júginýi kerek. Aýrýhanaǵa barýdyń qajeti joq. Naýqas adamdarǵa jedel járdem nemese jyljymaly topty shaqyrý usynylady.

- Qabyldanǵan sharalar oblys turǵyndary men bıznes ókilderi barlyq sanıtarlyq-epıdemıologııalyq talaptardy saqtaǵan jaǵdaıda ǵana tıimdi bolady, - dedi Batyrbek Álıev. – Sizden sabyrlyq saqtaýdy, karantın talabyn oryndaýdy, óz densaýlyǵyńyzǵa jáne ózgeniń densaýlyǵyna jaýapkershilikpen qaraýyńyzdy suraımyn. Tek birlesken kúsh-jiger jumsaý arqyly biz osy jaǵdaıdy jeńe alamyz! О́zińizge jáne jaqyndaryńyzǵa qamqor bolyńyz!
Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar