Igi bastamalarmen erekshelengen jyl

Jıynǵa Premer-Mı­nıstr­diń orynbasary Eraly Toǵjanov, Prezıdent Ákimshiliginiń jaýap­ty qyzmetkerleri, Parlament Se­­naty men Máji­lisiniń depýtat­tary, Qoǵamdyq keńestiń, bu­qaralyq aqparat quraldarynyń, úkimettik emes uıymdar men dinı birlestikter ókilderi qatysty.

Otyrys barysynda sóz al­ǵan­dar aqparat pen qoǵamdyq da­mý salasyndaǵy  mańyzdy joba­lar tý­raly aıtty. Azamattyq qo­­ǵam salasynda atqarylǵan ju­mys­tar týraly vıse-mınıstr Bo­lat Tilepov, aqparattyq jumys já­ne medıa salany damytý týraly vıse-mınıstr Kemelbek Oı­shy­baev, jastar jáne otbasylyq saıa­­sat salasynda atqarylǵan ju­mystar jóninde vıse-mınıstr Ashat Oralov baıandama jasady, son­­daı-aq Din isteri komıtetiniń tór­­aǵasy Erjan Núkejanov sóz sóıledi.

Budan bólek, Qazaqstannyń Azamattyq Alıan­synyń pre­zı­denti Baný Nurǵazıeva, «Ata­meken Business» bas dırektory Qanat Saharııanov pandemııa ke­zindegi azamattyq qoǵamdy da­mytýdyń ózek­ti máseleleri, aq­parattyq sala­nyń damýy jónin­de óz usynystary men pikirlerin jetkizdi.

Aqparat jáne qoǵamdyq da­mý mınıstri Aıda Balaeva óz só­zinde 2020 jylǵy negizgi nátı­je­ler men mınıstrliktiń 2021 jyl­ǵa arnalǵan mindetterin atap ótti. Onyń aıtýynsha, 2020 jy­ly mınıstrliktiń aldy­na qo­­ıyl­­ǵan barlyq min­det koro­na­­vı­rýs­tyq pandemııaǵa baıla­nys­ty óz­­geristerdi eskere otyryp to­lyq­taı júzege asyryldy.

– Memlekettiń negizgi ıdeolo­gııalyq organ­da­ry­nyń biri retin­de bizdiń mınıstrlikke júktel­gen mindetterdiń orny erekshe. Ve­domstvo tikeleı jaýap beretin eki úlken baǵyt – aqpa­rattyq saıa­sat pen qoǵamdyq qatynastar. Ekeýi de el Prezıdenti erekshe senip tapsyrǵan, jaýap­kershiligi mol san túrli saladan turady. Eń bas­tysy – eldiń rýhanı kemeldigi men saıası turaq­tylyǵy, qoǵamdyq berekesi men bastaǵan istiń baıan­dylyǵy kóp jaǵdaıda osy bizdiń mınıstr­liktiń jumysyna baılanysty. Bul jaýap­kershilikti biz jaqsy túsinemiz, salmaǵyn sezinemiz, – dedi Aıda Balaeva.

Vedomstvo basshysy el Pre­zı­denti alǵa qoı­ǵan mańyzdy máse­lelerge de toqtalyp, sonyń ishin­de «Halyq únine qulaq asatyn mem­leket» tujyrymdama­syn iske asy­rýdyń aıryqsha ma­­ńyz­dylyǵyn alǵa tartty. «Mem­le­ket basshy­synyń «Halyq úni­ne qulaq asatyn memleket» tu­jy­rymdamasyn júzege asyrý – árbir memle­kettik organnyń tikeleı mindeti. Árıne, bul tujyrymdama boıynsha memle­ket tek «tyń­daýshy» ǵana emes, qa­jet aqparatqa jalpaq jurt­tyń qo­lyn jetkizip, árdaıym ózara baı­lanysta bolýdy kózdeıdi. Mu­nyń bári, sóz joq, halyqqa bir ta­ban jaqyndaýda 2020 jylǵa bere­tin oń baǵa dep bilemin», dedi Aıda Balaeva.

Mınıstrdiń aıtýynsha, qo­ǵam­dyq kóńil kúıdi turaq­tan­dyrýdyń sheshýshi faktorlarynyń biri – jal­ǵan aqparatty jedel teriske shyǵarý jáne halyqty stop­fake.kz jáne coronavirus2020.kz saıttarynda KVI damý dınamıkasy men aýqymy týraly únemi habardar etý bolyp otyr. «Mınıstr­lik ótken jyly jýrnalısterdiń bilik­tiligin arttyrý jáne qaıta daıarlaý kýrsyn, sondaı-aq sala­lyq jýrnalıstıkany damytýdy bastady. Qazirgi ýaqytta bul bas­tamalar júzege asyrylyp jatyr», dedi Aıda Balaeva.

Vedomstvo basshysy memle­kettik aqparattyq tapsyrys­tar­­dy berýdiń jańa erejeleri, BAQ týraly jańa zańdy ázir­leý jáne telearnalarda otandyq aq­parattyq kontent úlesin arttyrý boıynsha júrgizilgen ju­mystarǵa da toqtaldy. Atap aıt­qanda, 2020 jyly shetel­dik kontent 30 paıyz­ǵa qysqar­tyl­­ǵan. «Maqsat – mem­lekettiń bir­yńǵaı aqparattyq saıa­satynyń zańnamalyq qamtamasyz etilgen tetikterin qalyptastyrý. Osy oraıda BAQ týraly jańa zań 2022 jyly ázirlenip, qabyldanýy úshin bıyl osy zań joba­sy­nyń tu­jyrymdamasy keńinen talqy­laý­ǵa usynylady», dedi mınıstr.

Sonymen qatar Aıda Ba­laeva kelesi aptada oblystarda on­laın rejimde de, oflaın re­jim­de de uıymdastyrylatyn «Mı­nıstrlik kúnderi» bastalatynyn aıtty. Osy is-sharalar aıasynda barlyq oblys turǵyndaryn mem­lekettik organ júrgizip jat­qan jumystarmen tanystyrý josparlanýda.

Mınıstrdiń aıtýynsha, aza­mat­tyq qoǵam­men tyǵyz baılanys ornatý – mınıstrlik quzy­ryn­daǵy negizgi salalardyń biri. О́tken jyly 27 tamyzda Memleket bas­­­­­shysynyń Jarlyǵymen Aza­mattyq qoǵamdy damytý tujy­rymdamasy qabyldanǵan bolatyn.

«Bul qujat elimizdegi aza­mat­­­tyq sektordy damytýdyń al­­­­daǵy on jylǵa arnalǵan negiz­gi stra­­tegııalyq baǵyttaryn aı­qyn­­­­daıdy. Onyń úlken bir bó­limi –  sapaly zań shyǵarý. Bul rette, ózderińiz bilesizder, Qo­ǵam­­­­dyq keńes­terdiń múmkindigin keńeıtetin jáne mundaı Keńes­terdi kvazımemlekettik sektorda da qurýdy mindet­teıtin zańǵa qol qoıyldy. Búginde «Qoǵamdyq ba­qy­laý týraly» jańa zań jobasy men oǵan ilespe «onlaın-petısııa» týraly tolyqtyrýlar qoǵamda qy­zý talqydan ótip jatyr», dedi Aıda Balaeva.

Vedomstvo basshysy volon­ter­lerdiń qyzmeti ótken jylmen ǵana shektelmeı, ári qaraı jal­ǵa­syn tabatynyn da atap aıtty. «Mem­leket basshysynyń bastamasymen jarııalanǵan Volonter jyly eriktiler qozǵalysynyń damýyna tyń serpin bergen jasampaz joba boldy. Sondyqtan da el Prezıdenti Úkimetke bul jumysty turaqty túrde jalǵastyrýdy tapsyrdy. Qazir arnaıy Jol kartasy jasaqtalyp, iske asyrýǵa daıyn. Munyń ózi  Volonterlik uǵymynyń aýqymy keń jáne ol bir jylmen nemese bir joba aıasynda ǵana shektelmeıtindigin kór­setedi», dedi Aıda Balaeva.

Alqa otyrysyn qorytyndy­laı kele, Úki­met basshysynyń orynbasary Eraly Toǵjanov mınıs­trlik basshylyǵyna bir­qatar tap­syrma ber­di. Vıse-Premer óz só­zinde Qazaqstan Tá­ýel­­sizdi­giniń 30 jyldyǵyn mere­keleý jó­nin­degi respýblıkalyq jos­par aıasyndaǵy is-sharalar­dyń jo­ǵary deńgeıde ótýin qamtamasyz etý ma­ńyzdy ekenin atap ótti. «Jos­par­lanǵan is-sharalardy jo­ǵary deńgeıde iske asy­rýǵa kúsh salyp, táýelsizdik jyldary qol jet­­kizilgen nátıjelerimizdi el ishin­de de, halyq­aralyq deńgeıde de kórsete bilýimiz kerek», dedi Eraly Toǵjanov.

Alqa otyrysynyń sońynda Aıda Balaeva jıynda aıtylǵan barlyq usynys eskerilip, berilgen tapsyrmalar buljytpaı iske asyrylatynyn jetkizdi.