Báıdibek aýdany aýmaǵynda sanıtarlyq-epıdemııaǵa qarsy karantın erejesiniń talaptary saqtalýyn qamtamasyz etý maqsatynda, Báıdibek APB-niń qyzmetkerlerimen kúndelikti reıdtik is-sharalar júrgizýde. Osyndaı kezekti reıd júrgizý barysynda, Báıdibek aýdanynyń jergilikti turǵyny karantın rejımi talaptaryn saqtamaı, 50 -ge jýyq adamdardy jınap, «Kókpar» ulttyq oıynyn ótkizip jatqany anyqtaldy.
Tártip saqshylary oıynǵa qatysýshylardy dereý toqtatyp, olarmen karantındi buzýǵa jol bermeý týraly túsindirý jumystaryn júrgizdi. Osy sharany uıymdastyrýshyǵa qatysty QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyryldy.
Jınalǵan materıaldar zańdy sheshim qabyldaý úshin Báıdibek aýdandyq sanıtarııalyq-epıdemıologııalyq ortalyǵyna joldandy.
О́z kezeginde polıseıler Túrkistan oblysynyń turǵyndary men qonaqtaryn karantın rejımi men sanıtarlyq-epıdemıologııalyq normalardyń talaptaryn buzbaýǵa shaqyrady. Bazarlarǵa, dúkenderge jáne adamdar kóp jınalatyn basqa jerlerge barǵan kezde, qoǵamdyq kólikterde medısınalyq betperde kıip, antıseptıkterdi paıdalaný jáne áleýmettik qashyqtyqty saqtaý qajet.
