Ońtústik óńirlerde ortasha táýliktik temperatýra 0° arqyly oń mánderge aýysady. Respýblıkanyń basym bóliginde tuman jáne kóktaıǵaq qubylystary qańtarǵa qaraǵanda jıi baıqalady. Jaýyn-shashyn mólsheri qańtardan aqpanǵa deıin azaıady, tek Qazaqstannyń taýly aýdandarynda, kerisinshe, artyp keledi.
Konsýltatıvtik boljamǵa sáıkes QR basym bóliginde Ońtústik jáne Batys sıklondardyń ótýimen, Iran aýdandarynan jyly aýa massalarynyń shyǵarylýymen aýa temperatýrasynyń joǵarylaýy kútiledi.
Jaýyn-shashyn kóbinese eldiń ońtústik jartysynda jańbyr túrinde, soltústik jartysynda aralas jaýyn-shashyn (jańbyr, qar) túrinde bolady dep boljanady. Soltústik óńirlerde jaıaý burqasynmen tuman, kóktaıǵaq, jeldiń kúsheıýi boljanady. Aqpan aıynda sıklondar men antısıklondardyń jıi ózgerýi kútiledi.
Birinshi onkúndiktiń ortasyna qaraı respýblıka boıynsha aýa temperatýrasynyń joǵarylaýy kútiledi: batysta túnde -5+3°S deıin, kúndiz -2+10°S deıin; soltústikte, soltústik-batysta, ortalyqta jáne shyǵysta túnde 0 -10°S deıin, kúndiz -5+3°S deıin; ońtústik-batysta, ońtústikte jáne ońtústik-shyǵysta túnde -3+5°S deıin, kúndiz + 8+15°S deıin. Birinshi onkúndiktiń sońynda antısıklonnyń enýimen aýa temperatýrasy tómendeıdi: Qazaqstannyń soltústiginde, shyǵysynda jáne ortalyǵynda túnde-15-25°S deıin, kúndiz-10-16°S deıin; elimizdiń batysynda, soltústik-batysynda túnde-10-18°S, kúndiz-5-12°S deıin; ońtústik óńirlerde túnde-7-15°S deıin, kúndiz -5+5°S deıin.
Ekinshi jáne úshinshi onkúndikterde jyly aýa massalarynyń shyǵarylýymen aýa temperatýrasy qaıtadan kóteriledi: soltústik jartysynda kúndiz 0,-7°S deıin, ońtústik jartysynda +5+10°S deıin, qıyr ońtústikte +15°S. Alaıda aýa temperatýrasynyń aıtarlyqtaı tómendeýi de joqqa shyǵarylmaıdy. Respýblıkanyń soltústik, ortalyq jáne shyǵys óńirlerindegi Taımyr aýdandarynan sýyq aýa massalarynyń enýimen termometr baǵandary túnde -20-30°S deıin, kúndiz -10-18°S deıin, eldiń soltústik-batys bóliginde túnde-10-18°S deıin, kúndiz -7-12°S deıin, QR ońtústik jartysynda túnde -7-12°S deıin, keı jerlerde-15-20°S deıin, kúndiz-2-13°S deıin tómendeýi múmkin.
Eskertpe: bir aıǵa arnalǵan boljamdy konsýltatıvtik boljam retinde paıdalaný kerek, ol keıinnen sınoptıkalyq jaǵdaıdyń ózgerýine qaraı túzetiledi jáne onkúndikke arnalǵan aýa raıy boljamdarymen naqtylanady.
