Mıanmadaǵy tóńkeris

Bıliktegilerdi qarashadaǵy Par­lament saılaýyna aralasyp, saılaý nátıjesin falsıfıkasııalady degen aıyppen tutqyndaǵan. Resmı málimetter boıynsha, ótken saılaýda memlekettik keńesshi Aýn San Sý Chjı basqaratyn partııa úlken basymdyqpen jeńiske jetken. Al eldegi ásker ekinshi partııanyń tarapynda, ıaǵnı Sýý Kıýdiń Ulttyq Demokratııa Lıgasynyń jaǵynda bolǵan. Jalpy, negizgi bılik prezıdent emes, dál osy memlekettik keńesshiniń qolynda deıdi mıanmalyqtar.

Endi generaldar tótenshe jaǵdaı aıaqtalǵannan keıin qaıtadan saılaý ótkizetinin málimdedi. Alaıda tótenshe jaǵdaı 1 jylǵa sozylmaq. Qazir eldegi iri kósheler men adam kóp shoǵyrlanatyn oryndar – qatań baqylaýda. Ulttyq tele­ra­dıokompanııanyń jumysy toq­ta­tylyp, telefon men ınternet baı­lany­sy álsiregen. Degenmen, áskerı televı­zııalyq júıe jumys istep tur.

Kóptegen el men halyqaralyq uıym­dar áskerılerdiń bul áreketin synap, tutqyndardy bosatý kerektigin aıt­qan. Memlekettik keńesshiniń ózi de áleý­mettik jelilerde halyqqa úndeý jasap, tóńkeriske qarsy shyǵýǵa úgittegen.