«Úkimettiń keńeıtilgen otyrysynda Memleket basshysy ekonomıkalyq belsendilikti qalpyna keltirý, ınvestısııalar tartý jáne halyqtyń ál-aýqatyn arttyrý jóninde naqty mindetter qoıdy. 7 negizgi baǵyt aıqyndaldy. Bul: ekonomıkalyq belsendilikti qoldaý, jumys oryndarymen qamtamasyz etý, júıelik jáne salalyq saıasatty qaıta retteý, turǵyn úıge qoljetimdilikti arttyrý, densaýlyq saqtaý jáne bilim berý júıesin damytý», dedi mınıstr.
Onyń aıtýynsha, jalpy 26 qańtarda ótken Úkimettiń keńeıtilgen otyrysynda Prezıdent 68 tapsyrma bergen.
«Osy tapsyrmalardy iske asyrý aıasynda 3 zańnamalyq akti qabyldanady. Bul: derbes derekter jáne olardy qorǵaý týraly, básekelestik máseleleri jónindegi zańdar, sondaı-aq jer kodeksine mengiziletin ózgerister. Sonymen qatar úsh ulttyq jobany bekitý kózdelip otyr. Bul: agroónerkásip keshenin damytý, sý resýrstaryn basqarý jáne 2021-2025 jyldarǵa arnalǵan «Jasyl Qazaqstan» jobalary. Buǵan qosa, 5 keshendi jospar ázirlenedi. Bul: shekaralardaǵy zańsyz saýda aınalymyna qarsy is-qımyl, kelisimsharttarmen retteletin satyp alýlar arqyly óndiristerdi qurý jáne keńeıtý, 2025 jylǵa deıingi Ekibastuz qalasyn damytý, azamattardy vasınalaý jáne mektepke deıingi bilim berýdi damytý boıynsha sharalar», dedi Áset Erǵalıev.
