Astana qalasynda Demokratııalyq kúshterdiń «Qazaqstan-2050» jalpyulttyq koalısııasynyń otyrysy ótti. Onda saıası partııalardyń, qoǵamdyq uıymdar men memlekettik organdardyń basshylary Eńbek jáne halyqty áleýmettik qorǵaý mınıstrligi ázirlegen «Kásiptik odaqtar týraly» zań jobasyn talqylady.
Astana qalasynda Demokratııalyq kúshterdiń «Qazaqstan-2050» jalpyulttyq koalısııasynyń otyrysy ótti. Onda saıası partııalardyń, qoǵamdyq uıymdar men memlekettik organdardyń basshylary Eńbek jáne halyqty áleýmettik qorǵaý mınıstrligi ázirlegen «Kásiptik odaqtar týraly» zań jobasyn talqylady.
Talqylaýǵa Kásipodaqtar federasııasynyń tóraǵasy Ábilǵazy Qusaıynov, Premer-Mınıstrdiń birinshi orynbasary Baqytjan Saǵyntaev, Eńbek jáne halyqty áleýmettik qorǵaý mınıstri Tamara Dúısenova, Qazaqstan Eńbek konfederasııasynyń prezıdenti Serik Ábdirahmanov, «Taý-ken óndirý jáne taý-ken metallýrgııa kásiporyndarynyń respýblıkalyq qaýymdastyǵy» ZTB atqarýshy dırektory Nıkolaı Radostoves, «Nur Otan», QHKP, «Aq jol» partııalarynyń fraksııalaryna múshe depýtattar qatysty. Qazirgi ýaqytta «Kásipodaqtar týraly» zań jobasy Parlament Májilisinde, ıaǵnı «Nur Otan», QHKP, «Aq jol» partııalary fraksııalarynyń depýtattarynan qurylǵan jumys tobynyń qaraýynda.
«Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» baǵdarlamalyq maqalasynda Memleket basshysy áleýmettik-eńbek qatynastarynyń tıimdi modelin jasaý qajettigi týraly, onyń negizinde memleket, jeke sektor jáne kásiptik odaq birlestikteriniń seriktestigi mehanızmin qurý qajettigi týraly aıtyp, kásipodaq ınstıtýttaryn jańǵyrtý jóninde mindet qoıǵan bolatyn. Indýstrııalandyrý boıynsha aýqymdy baǵdarlamany iske asyrý barysynda jańa ındýstrııalyq obektilerdi áleýmettendirý mańyzdy. Munda kásipodaqtar mańyzdy ról atqarady.
DKJK otyrysynda áleýmettik-eńbek qatynastarynyń tıimdi modeli jáne memleket, jeke sektor men kásipodaq birlestikteriniń jumys isteýge qabiletti mehanızmi bolǵan jaǵdaıda elimizde júrgizilip jatqan áleýmettik jańǵyrtý isi oń qadam alatyny atap ótildi.
Otyrystyń qorytyndysy boıynsha birqatar usynystar qabyldandy.
«Egemen-aqparat».
