Qoǵamdyq kólikterdiń jumysy otyratyn oryndar sany 75%-dan aspaǵan kezde, sondaı-aq qarbalas ýaqytynda tańerteń (8.00-den 10.00-ge deıin), keshke (18.00-den 20.00-ge deıin) avtobýstar sany artqan kezde ruqsat etiledi.
Toptyq qudaıǵa qulshylyq etýge (onyń ishinde juma-namaz) tyıym salynady. Dinı birlestik obektilerinde ornalasqan qoǵamdyq tamaqtandyrý obektileriniń jumysyna tyıym salynady.
Mádenıet obektilerine 30 adamnan aspaıtyn jeke jáne toptyq daıyndyqtar ótkizýge ruqsat etilgen.
Teatrlar men kınoteatrlarǵa bir otbasy múshelerin qospaǵanda, shahmattyq rettilikpen zalda otyratyn oryndar sany 20%-dan asyrmaı, sonyń ishinde bir ýaqytta 100 adamnan aspaıtyn adam bolǵanda ǵana jumys isteýge ruqsat beriledi.
Karantın rejıminde jumys isteýge qoıylatyn sanıtarııalyq erejelerdiń belgilengen talaptaryna jaýap bermeıtin mektepter qashyqtyqtan oqý rejımine aýystyrylatyn bolady. Oflaın rejımde oqıtyn oqýshylar men jumys isteıtin bilim berý obektileri personaldarynyń tirkelgen árbir syrqattanýshylyǵy boıynsha mektepterge jospardan tys tekserýler júrgiziletin bolady.
Sonymen qatar, qyzmetkerlerdiń keminde 60%-y qashyqtyqtan jumys isteý formasy saqtalady (shtat kestesinde 40-tan astam qyzmetker bolsa).
