Jańa ózgerister ÚEU arasynda memlekettik granttardy bólý boıynsha konkýrstyq rásimderdi jetildirýge baǵyttalǵan. Granttyq jobalardy iske asyrýdyń ashyqtyǵy men tıimdiligine basa nazar aýdaryldy. Atap aıtqanda, sarapshylar tizilimin qalyptastyrý jáne júrgizý tártibi reglamenttelgen. Jańa qaǵıda boıynsha sarapshylar tizilimi 1 jyl merzimge qalyptastyrylady jáne kópshilikke jarııaly bolyp tabylady. Saraptama komıssııasynyń quramy Tizilimnen kezdeısoq ádispen irikteletin bolady.
Ázirleýshilerdiń málimetinshe, saraptama komıssııasyna granttarǵa ótinish berýshi ÚEU ókilderi de jiberiledi, biraq múddeler qaqtyǵysy týyndaǵan jaǵdaıda daýys berý quqyǵynan aıyrylady. Budan basqa, saraptama komıssııalarynyń otyrystary granttyq qarjylandyrý salasyndaǵy Operatordyń saıtynda jáne áleýmettik jelilerinde kórsetiletin bolady.
Taǵy bir jańalyq - granttyq jobalardyń taqyryptaryn qalyptastyrý prosesiniń jarııalylyǵyn qamtamasyz etý bolyp tabylady. Kópshilik talqylaý memlekettik organdardyń ınternet resýrstarynda ótetin bolady. Azamattar men ÚEU óz pikirlerin bildire alady. Bolashaq granttardyń taqyryptary osy talqylaýlar negizinde josparlanatyn bolady.
Sondaı-aq, Qaǵıdalarda granttyq jobalardy iske asyrý tıimdiligin baǵalaý tetigi bar monıtorıng rásimderi aıqyndalyp, konkýrstyq rásimderdi ótkizý merzimderi reglamenttelgen. Eger buryn konkýrstyq rásimderdi ókizý merzimi 79 kúnge deıin bolsa, jańa qaǵıdalarǵa sáıkes merzimder 2 esege - 40 kúnge deıin qysqartyldy. Sondaı-aq, ótinimderdi qabyldaý merzimderi reglamentelip, 20 (jıyrma) jumys kúnin quraıdy, konkýrs qaıta jarııalanǵan kezdegi merzim 10 (on) jumys kúnin quraıdy.
Sonymen qatar, qaǵıdalar memlekettik emes granttar berý rásimderin de reglamentteıdi.
Qujatqa engizilgen ózgertýlerdiń tolyq mátinimen kelesi silteme boıynsha tanysýǵa bolady.
