Edıýton-2021 maqsaty – qatysýshylardy jańa daǵdylar men bilimge úıretý, tájirıbe almasý, sondaı-aq tájirıbeli mentorlardyń kómegimen medıalyq jáne sıfrlyq saýattylyqty damytý boıynsha jańa jobalardy ázirleý.
Semınarlarǵa Qazaqstannan, Tájikstannan jáne О́zbekstannan konkýrs boıynsha tańdalǵan 50 qatysýshy qatysady.
Edıýton-2021 ádistemelik semınarynyń ashylýynda sóılegen sózinde Kemelbek Oıshybaev salanyń damýyna qosqan úlesi jáne eldegi medıa jáne aqparattyq saýattylyqty damytý boıynsha jemisti jumysy úshin Internews-tiń Qazaqstandaǵy ókildigine alǵys bildirdi.
Ol Mınıstrlik medıa salasyndaǵy mamandardy oqytý máselelerine erekshe nazar aýdaratynyn atap ótti.
Máselen, 2020 jyly bilim berý prosesin júıelendirý jáne sala mamandarynyń kásibı deńgeıin arttyrý maqsatynda Mınıstrlik Medıa salasy mamandaryn oqytýdyń 2020-2021 jyldarǵa arnalǵan arnaıy josparyn bekitti.
Kemelbek Oıshybaevtyń aıtýynsha, Arnaıy josparda kadrlardy tıimdi daıarlaýǵa jáne sala mamandarynyń biliktiligin arttyrýǵa baǵyttalǵan is-sharalarmen qatar halyqtyń medıa jáne aqparattyq saýattylyǵyn qalyptastyrý boıynsha is-sharalar da kózdelgen.
Vıse-mınıstr medıa salasynyń mamandaryn oqytý jáne halyqtyń medıasaýattylyǵyn arttyrý máselelerinde yntymaqtastyqqa daıyn ekendigin bildirdi.
