Ákimshilik agenttiktiń baıandamasyna sáıkes, 18 jasqa deıingi jastardyń 74 paıyzy ınternetti smartfon arqyly qoldanady. Bılik uıaly telefondar jasóspirimderge keri áser etedi dep esepteıdi, sondyqtan shekteý qoıý jastardyń kórý qabiletin saqtap, sabaqqa degen zeıinin ashýǵa yqpal etedi.
«Bul oqýshylardyń kórý qabiletin saqtap, sabaqqa degen zeıinin ashyp, oqý prosesi kezinde ınternette otyryp, oıyn oınamaýy úshin, fızıkalyq jáne psıhıkalyq damýyn kúsheıtý úshin qabyldandy», delingen mınıstrlik saıtynda.
Mınıstrliktiń jarlyǵy boıynsha uıaly telefondy tek synypqa emes, sonymen qatar, jalpy mektepke alyp kelýge bolmaıdy. Qaýlyǵa sáıkes, qajet bolǵan jaǵdaıda ata-analar ótinish jazýy qajet. Sol jaǵdaıda ǵana oqýshy ózimen telefon alyp júre alady. Alaıda oqýshy sabaq kezinde telefonyn saqtaýǵa arnalǵan orynǵa tastap ketýi tıis.
Muǵalimderge de úı jumysyn telefon arqyly jiberip, oqýshydan úıge berilgen tapsyrmany telefon arqyly oryndaýyn talap etýine tyıym salyndy. Mektep ákimshiligi oqýshylarǵa telefondy qajet jaǵdaıda ǵana qoldanýdy túsindirýi qajet. Mınıstrlik ata-analarǵa balanyń qyzyǵýshylyǵyna mán berip, olardyń oqýǵa, sportpen jáne shyǵarmashylyqpen aınalysýǵa degen yntasyn ashyp, telefon satyp alardan buryn durystap oılanýdy usyndy.
