Bul týraly eldiń aqparat kózderinde S.Jeenbekovtiń Ystanbýlǵa bir kún buryn «Manas» halyqaralyq áýejaıynan ushqany týraly aıtylǵan.
Buǵan eks-prezıdenttiń baspasóz hatshysy Tolgonaı Stamalıeva burynǵy memleket basshysynyń qaıda jáne nege ushqanyn aıtyp berdi. Tolgonaı Stamalıevanyń aıtýynsha, Sooronbaı Jeenbekov kishi qajylyq jasaý úshin Mekkege ushyp ketken.
«Ol áıelimen birge tańerteń Ystanbulǵa ushyp ketti. Sodan keıin Djıddaǵa (Saýd arabııasy) barady», deıdi burynǵy prezıdenttiń baspasóz hatshysy.
Aıta keteıik, baspasóz hatshysy Sooronbaı Jeenbekov saparǵa Saýd arabııasy koroliniń shaqyrtýymen shyǵady. Ol sapardy 2020 jyldyń qarashasynan bastap josparlaǵan. Alaıda pandemııaǵa baılanysty qajylar úshin kirý shekteýli bolǵandyqtan, rásimge sáıkes resmı shaqyrý qajet boldy. Sondyqtan shaqyrtý 2021 jyldyń aqpan aıynyń basynda kelip tústi. Kishi qajylyq 10 kúnnen astam ýaqytqa jalǵasady, sodan keıin Sooronbaı Jeenbekov Bishkekke oralady.
Esterińizge sala keteıik, Sooronbaı Jeenbekov 2020 jyldyń 15 qazanynda jappaı tártipsizdik saldarynan otstavkaǵa ketýge májbúr bolǵan edi.
