Asa tartysty ótken match qorytyndysynda kenshiler astanasynyń komandasy overtaımda shyǵysqazaqstandyq hokkeıshilerdi 2:1 esebimen tize búktirip, el kýbogy júldesin jeńip aldy.
«Saryarqa» sapynan Vadım Zelenkov pen Sergeı Golodnıýk bir-bir shaıbadan soǵyp, komandanyń jeńisine súbeli qosty.
Qazirgi tańda «Saryarqa» hokkeı klýby Qazaqstannyń turaqty chempıonatynda úshinshi satyda tur. Ujymnyń qorjynynda 36 oıynnan keıin 73 upaıy bar. Al qaraǵandylyq hokkeıshilerden kýboktyń fınalynda ese jibergen «Torpedo» týrnır kestesinde 90 upaımen kósh bastap keledi. Ekinshi orynda Nur-Sultan qalasynyń «Nomad» komandasy tur.
