Inderbor kenti – Inder aýdanynyń ortalyǵy. Kenttiń ońtústik batys bóligindegi Kóktem shaǵyn aýdanynda kóp qabatty 20 turǵyn úı salynatyny josparlanyp otyr. Buǵan qosa 4 áleýmettik nysan salynady. Osy maqsatqa 35 gektar jer ýchaskesi bólinipti.
«Jańadan salynatyn turǵyn úılerde 1 292 páter bolady. Qazir 5 qabatty 80 páterlik bir, 4 qabatty 48 páterlik 4 turǵyn úıdiń qurylys jumystarymen qatar, ınjnerlik-kommýnıkasııalyq ınfraqurylym jelileri júrgizilýde. Buǵan qosa 5 qabatty 80 páterlik 2 turǵyn úıdiń qurylysyn júrgizetin merdiger mekeme anyqtalyp, kelisimshart jasaldy» deıdi Meıirim Qalaýı.
Ákimniń aqparatyna qaraǵanda, qazir aýdanda 13 jobanyń qurylysy qolǵa alynypty. Onyń ishinde «Kóktem» qazaq orta mektebiniń 80 oryndyq japsarjaıy men ınjenerlik jelisi, Inderbor kentindegi sporttyq oıyn alańdary, Jarsýat aýylyndaǵy dene shynyqtyrý-saýyqtyrý kesheni, 4 qabatty 48 páterlik 4 turǵyn úıge deıingi sý jáne káriz jelisi salynyp jatyr.
