3 aqpandaǵy jaǵdaı boıynsha turǵyn úı jaǵdaılaryn jaqsartýǵa arnalǵan birjolǵy zeınetaqy tólemderin alý jónindegi jedel derekter mynadaı:
- Biryńǵaı jınaqtaýshy zeınetaqy qory 2021 jylǵy 25 qańtar men 3 aqpan aralyǵynda ýákiletti operatorlardan maqsatty paıdalaný úshin merziminen buryn tólemderdi júzege asyrýǵa joldaǵan 75 131 salymshynyń ótinishin qabyldady.
- BJZQ-ǵa ótinishterdiń kópshiligi «Otbasy bank» turǵyn úı qurylys jınaq banki» AQ ýákiletti operatorynan kelip tústi. Osy operator arqyly 2021 jylǵy 25 qańtar men 3 aqpan aralyǵynda 73 355 ótinish qabyldandy.
Jalpy somasy 294,1 mlrd teńgege jýyq 53 709 ótinish (73%-dan astam) aldyn ala maquldanyp, óńdeýge qabyldandy. BJZQ 19 646 ótinishti (shamamen 27%) zańnama talaptaryna sáıkes kelmeıtindikten qabyldamady.
«Otbasy bank» AQ ýákiletti operatorynan qabyldanǵan 27 327 ótinish boıynsha 2021 jylǵy 1-3 aqpan aralyǵynda jalpy somasy shamamen 151 mlrd teńgege tólemder júzege asyryldy. Tólemderdiń ortasha somasy 5,5 mln teńgeden asty.
«Qazaqstan Halyq Banki» AQ ýákiletti operatorynan 28 qańtar men 3 aqpan aralyǵynda 1 766 ótinish kelip tústi. Onyń ishinde 1 548 ótinish (shamamen 87%) óńdeýge qabyldandy, 228 ótinish zańnama talaptaryna sáıkes kelmeýine baılanysty qabyldanbady. Ýákiletti operatordyń arnaıy shotyna 8,3 mln teńge aýdaryldy.
Osylaısha BJZQ ýákiletti operatorlardan óńdeýge ótinimder qabyldaı bastaǵan 25 qańtardan bastap jalpy somasy 301,7 mlrd teńgeden astam somaǵa keıinnen tólem jasaý úshin 55 257 ótinish óńdeýge alyndy. Salymshylardyń ýákiletti operator retinde aıqyndalǵan bankterde ashylǵan arnaıy shottaryna shamamen 151 mlrd teńge aýdaryldy.
Úkimet qaýlysymen bekitilgen «Zeınetaqy tólemderin, birjolǵy zeınetaqy tólemderin turǵyn úı jaǵdaılaryn jaqsartý jáne (nemese) emdelýge aqy tóleý maqsatynda júzege asyrý» qaǵıdalaryna sáıkes, jınaqtardy ýákiletti operatorǵa aýdarý ýákiletti operatordan BJZQ-ǵa salymshynyń ótinishi kelip túskennen keıin 5 jumys kúni ishinde júzege asyrylatynyn eske salamyz.
Bul rette Qazaqstan Respýblıkasy Azamattyq kodeksiniń 173-babyna sáıkes ýaqyt kezeńimen belgilenetin merzimniń ótýi oqıǵanyń bastalýy belgilengen kúntizbelik kúnnen nemese oqıǵanyń bastalýynan keıingi kelesi kúni bastalatynyn atap ótken jón.
Qoljetimdi soma týraly aqparatty enpf.kz saıtyndaǵy jeke kabınetten nemese Biryńǵaı jınaqtaýshy zeınetaqy qorynyń mobıldi qosymshasy arqyly ýákileti operatorǵa birjolǵy zeınetaqy tólemderin alýǵa tikeleı ótinim berer aldynda muqııat tekserýge keńes beremiz. Salymshynyń BJZQ-da jetkiliktilik sheginen asatyn somasy bolǵan jaǵdaıda, ony paıdalanýǵa ótinim sheksiz ret berilýi múmkin.
Azamattardyń ótinim berýge jáne zeınetaqy jınaqtaryn turǵyn úı jaǵdaılaryn jaqsartý jáne (nemese) emdelýge aqy tóleý úshin nysanaly paıdalaný sharttaryna baılanysty barlyq máselelerin ýákiletti operator «bir tereze» qaǵıdaty boıynsha qaraıdy jáne BJZQ-ǵa jeke ótinish berý talap etilmeıdi.
