Jalaqyny kótermese, jumysqa shyqpaıdy

Tańǵy ýaqytta qoǵamdyq kólik qatynamaǵandyqtan megapolıs turǵyn­da­ry aıaldamalarda saǵattap sarylyp, amalsyzdan taksı qyzmetine jú­gin­di. Qoǵamdyq kólik júrgizýshilerin jumysqa shyǵýǵa úgittegen qala ákimi Murat Áıtenov máseleni tez arada she­shýge ýáde berdi. Alaıda ashynǵan júr­gizýshilerdyń toptasqan shoǵyry tarqaı qoımady. Bul shymkenttik avtobýs júrgizýshileriniń aılyq jalaqy týraly alǵashqy ashy úni emes. Eńbekaqysy ýaqtyly tólenbegen júrgizýshiler 2019 jyly da osyndaı qadamǵa barǵan.

Kompanııa basshysy Azat Sahat­uly­nyń aıtýynsha, júrgizýshiler aılyǵy alǵashqy kezde 130 myń teńge bolsa, keıinnen 155 myń teńgege deıin ósken. Qazirgi tańda kompanııa basshylyǵy men júrgizýshiler arasynda ekijaqty kelissózder júrgizilýde. Bir qyzyǵy, Shymkenttegi qoǵamdyq kólikterge byltyr kúz aıynan bastap «Tólem» elektrondy bılet júıesi engizilgen bolatyn. О́z kezeginde ákimdik ókilderi smart qondyrǵylar shahardyń qoǵamdyq kólik qozǵalysy júıesindegi qarjy aınalymyn ashyq, jarııa túrde júrgizip, qazynaǵa quıylar salyq túsimderin eseleıtinin jetkizgen edi. Keıinnen shahar turǵyndary tarapynan «Tólem» kartochkalary jetispeıdi, avtobýstarǵa qoıylǵan valıdatorlar istemeıdi», degen eskertpeler kóptep aıtyla bastady. Shymkenttikterdiń talap-tilegin eskergen qala ákiminiń orynbasary Maqsut Isahov jeke kompanııa dırektorlaryna «Eger, qoǵamdyq kólikterdegi «Tólem» júıesi isten shyqsa, tehnıkalyq aqaý­lar­ǵa baılanysty jumys istemese
1 aqpannan bastap halyq qoǵamdyq kólik­terge aqysyz minedi», dep talap qoıǵan edi.

Al ereýilge shyqqan narazy top mardymsyz jalaqy alatynyn, jumys berýshiniń orynsyz talaptaryna qarsy ekenin aıtýda. Olar kompanııada tólem kartasy engizilse de, jumys berýshiniń qoǵamdyq kólik qyzmetin qolma-qol aqsha tólep paıdalanatyn jolaýshylardan túsetin aqshaǵa jospar júktep qoıǵanyna kúıinedi. Aıtýlarynsha, júrgizýshilerdiń jalaqysy – 150 myń teńge. Qolǵa alatyny – 120 myń teńge. Al kondýktordyń alatyny – 70 myń teńge.

«Tańǵy saǵat 06.00-den keshki saǵat 20.00-ge deıin osy mardymsyz aılyqty qanaǵat tutyp keldik. Tipti, túski asty da qaltamyzdan tólep ishemiz. Avtobýsty da ózimiz tazalaımyz (Jumys berýshige avtobýsty jýý, kompanııa qyzmetkerlerin túski tamaqpen qamtamasyz etýi min­det­telgen). Biz «Tólem» kartasyna qarsy emespiz. Kondýktor bolmasa ha­lyq tólem kartasyn valıdatorǵa ur­maıdy. Ony qadaǵalaý úshin kondýk­tor qyzmeti qajet-aq. Basty talabymyz – eńbekaqyny kóbeıtip, basy artyq «jospardy» alyp tastasa», deıdi Aıymgúl esimdi kondýktor.

Ekijaqty ymyraǵa kelgen narazy toptyń úlken shoǵyry jumysty qaıta jalǵastyra bastady. Alaıda onda­ǵan adam kompanııa basshylyǵyna qoı­ǵan talaby oryndalǵansha jumysqa kiris­peı­tin­digin jetkizdi.

«Shymkent qalasynda 18 baǵyt bo­ıynsha jolaýshy tasymaldaýmen aınalysatyn «Shymkent bus» kompanııasynda 450-ge jýyq júrgizýshi eńbek etedi. Sońǵy bir jylda «SPK «Shymkent» AQ qarjylaı qoldaýymen mekeme ıeligindegi avtobýstar tolyq jańartylǵan.

«Shahardaǵy jańa avtobýstarǵa «Tólem» júıesi engizilgen soń, kólik júr­gizýshileri, kondýktorlar qolma-qol aqsha ala almaı, kóldeneń tabystan qa­ǵyldy», dep espteıdi qala turǵyny Bıbigúl Tórehan.

Júzden astam júrgizýshi men kondýk­tordyń jalaqyny ósirý týraly máselesi jumys berýshi kompanııamen ortaq kelisimge kelý arqyly sheshileri anyq. Deıturǵanmen osy eki ortada megapolıs turǵyndary zardap shegip jatqany ókinishti.

ShYMKENT