Ekonomıka • 07 Aqpan, 2021

Qazaqstan OPEK+ mindettemesin oryndaýǵa daıyn ekenin málimdedi

29 ret kórsetildi

Qazaqstan OPEK+ halyqaralyq kelisimi aıasynda ózine júktelgen mindettemelerdi oryndaýǵa jáne budan buryn artyǵymen óndirilgen kólemderdi óteý boıynsha sharalar qabyldaýǵa ázir. Bul týraly energetıka mınıstrligi habarlady.

3 aqpanda beınekonferensııa formatynda OPEK+ mınıstrlikteri birlesken monıtorıng komıtetiniń 26-otyrysy ótken. Onda óndiristi qysqartý boıynsha qabyldanǵan sharalardyń arqasynda álemdik munaı naryǵyndaǵy oń úrdister atalǵan.

2021 jyly álemdik ekonomıkanyń ósýi 4,4 paıyz deńgeıinde bolyp, munaıǵa degen álemdik suranys táýligine 95,9 mln.barrelge jetpek. Bul 2020 jylmen salystyrǵanda táýligine 5,6 mln barrel ósim bolǵandyǵyn kórsetedi.

Sondaı-aq, jeltoqsan aıynda kelisimge qatysýshy elderdiń mindettemelerin oryndaýy boıynsha kórsetkishterdiń jaqsarǵany da aıtyldy: 101 paıyz, onyń ishinde OPEK elderi – 103 paıyz, OPEK emes elder – 93 paıyz.

Energetıka mınıstrligi buǵan deıin habarlaǵandaı OPEK+ kelisimi aıasynda Qazaqstannyń óz mindettemesin oryndaýy 2020 jyldyń jeltoqsan aıynda 96 paıyzdy quraǵan. Jeltoqsanda el aýmaǵynda 5,9 mln tonna munaı óndirilipti. Al qańtar aıynda Qazaqstan OPEK+ kelisimin 111 paıyzǵa oryndaǵan.

Eske salsaq, munaı óndirisin azaıtý týraly kelisimdi OPEK+ elderi alǵash ret byltyr sáýir aıynda jasasty. Mundaı kelisim munaıǵa degen álemdik suranystyń kúrt tómendep ketýine baılanysty iske asyryldy. Kelisim eki jyldy qamtıdy. Biraq birtindep ár toqsan saıyn óndiristi ulǵaıtý josparda bar.

2021 jyldyń 4-5 qańtarynda jasalǵan kelisim boıynsha Qazaqstan aqpan aıynda táýligine 1,427 mln, al naýryz aıynda 1,437 mln barrel munaı óndirýge quqyly.

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar