Oqıǵa Zarıa aýdanynyń Smaznevo aýylynda boldy. Astyq qoımasynyń shatyrynan qar qulap, 8-i qarly úıindiniń astynda qalǵan.
«Qardyń astynan shyǵarylǵan tórt adam qaıtys boldy. Zardap shekken bir adamnyń jaǵdaıy medısınalyq kómek kórsetýdi talap etedi», dep atap óttti aımaqtyń baspasóz hatshysy.
Oqıǵa ornyna úsh jedel járdem brıgadasy jiberildi. Zardap shekkenderdiń arasynda 1-eýi Zarınskidegi aýrýhanaǵa jiberilse, al aman qalǵandary emdelýden bas tartty.
TJM habarlaǵandaı, tótenshe jaǵdaı ornynda 40 adam men 15 tehnıka jumys istep jatyr.
Altaı ólkesiniń basshysy Tomenko atqarýshy bıliktiń barlyq aımaqtyq organdarynyń basshylaryna jyly aýa raıyna baılanysty qar jamylǵysynyń túsý qaýpine nazar aýdarýdy jáne tótenshe jaǵdaılardyń aldyn alý úshin shuǵyl sharalar qabyldaýdy tapsyrdy.
Aıtolqyn MYRZAKARIM
