Bul jerde blok-konteınerlerden úsh modýldik kempıng ornatylǵan. Sý tasyǵyshtar tehnologııalyq prosester men jumystar úshin ornatylǵan bóshkelerdi sýmen toltyryp jatyr.
Aıta keteıik, buǵan deıin Mańǵystaý ákimdigi Bozjyraǵa nege arnaıy tehnıka kelgenin túsindirgen edi. Sheneýnikterdiń aıtýynsha, Bozjyrada topyraqtyń geologııalyq jaǵdaıyn anyqtaý úshin ınjenerlik-geologııalyq zertteýler bastalǵan.
5 aqpanda qonaqúı qurylysy qoǵamdyq tyńdaýda talqylandy. Qazaqstan bıoalýantúrlilik qaýymdastyǵynyń (QBSA) sarapshylary jobanyń kemshilikterin atap ótti. Sarapshylar jabaıy janýarlar mekendeı alatyn, adam aıaǵy baspaǵan aımaq qajet ekenin basa nazarda ustaý qajettigin aıtqan edi.
Amerıkalyq jýrnalıst, dokýmentalıst jáne jazýshy, eki Pýlıtser syılyǵynyń laýreaty Pol Salopek Bozjyra shatqalyndaǵy jer qurylysyn qazaq halqyna qarsy qylmys dep atady.
Buǵan deıin ázirleýshi qonaqúıdiń eskız jobasyn usynǵan bolatyn. Joba ınvestorǵa 38,6 mıllıard teńgege túsedi.
