Qoǵam • 08 Aqpan, 2021

Qazaqstanda «áleýmettik ámııan» júıesi engiziledi

134 ret kórsetildi

Aldaǵy ýaqytta Qazaqstanda sıfrlandyrý jobalary úsh negizgi topqa bólinip damıdy, dep habarlaıdy Egemen.kz

Olar – tehnıkalyq retteý jáne tutynýshylardyń quqyqtaryn qorǵaý, ishki saýda jáne elektrondyq kommersııa, syrtqy saýda qyzmeti jáne eksportty ilgeriletý. Bul týraly saýda jáne ıntegrasııa mınıstrliginiń baspasóz qyzmeti habarlady.

– 2020 jyldyń 13 shildesinen bastap sáıkestikti baǵalaý salasyndaǵy sýbektilerdi elektrondyq akkredıtteý servısi iske qosyldy. Sondaı-aq ónimdi sertıfıkattaý prosesin sıfrlandyrý boıynsha jumystar júrgizilýde, bul sertıfıkattar qoımasyn qurýdy jáne sertıfıkattaý (e-sertıfıkattaý) boıynsha kórsetiletin qyzmetterdi kórsetýshilerdi tańdaýǵa múmkindik beredi, – deıdi vıse-mınıstr Ásel Janasova.

Sondaı-aq mınıstrlik ókili 2021 jylǵy 1 qańtardan bastap tutynýshylardyń quqyqtaryn qorǵaýdyń biryńǵaı aqparattyq júıesi e-tutynushy.kz iske qosylǵanyn da aıtty.

Atalǵan resýrs arqyly qazaqstandyqtar óz quqyqtarynyń buzylǵany týraly málimdeı alady. Ol jerde ótinish jedel qaralyp, zań normalary túsindiriledi.
Ásel Janasova ishki saýda men elektrondyq kommersııany sıfrlandyrý aıasynda tólem júıesimen «áleýmettik ámııandy» engizý qarastyrylǵanyn da málimdedi. Saýda mınıstrliginiń habarlaýynsha, jedel tólem júıesi aıasynda 2021 jyldyń jeltoqsan aıynyń sońyna deıin «pılot» iske qosylady. Vıse-mınıstr bul ıdeıa halyqty áleýmettik qoldaý quraldaryn jetildirý maqsatynda júzege asyrylyp jatyr deıdi. «Áleýmettik ámııannyń» ashylýy halyqtyń áleýmettik osal toptaryna qarjy júıesine qol jetkizýine múmkindik bermek.

Sonymen qatar vedomstvo otandyq taýar óndirýshilerdi Amazon, Iаndeks, Ozon, Shopify sııaqty jańa marketpleısterge shyǵarý jalǵasyp jatqanyn, jyl saıyn 100 myń eýro mólsherinde Mastercard qarjylandyrýmen 10-15 kásipker óz bıznesin onlaın aýdarý jáne ony jańa naryqtarǵa masshtabtaý boıynsha oqytýdan ótetin de habarlady.

Sıfrlandyrý syrtqy saýda qyzmeti jáne eksportty ilgeriletý boıynsha da júrgiziledi. 2021 jyldyń birinshi toqsanynda avtomattandyrylǵan transshekaralyq saýda-esep aıyrysý ıntegrasııalanǵan júıesin iske qosý josparlanyp otyr.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar