Apple noýtbýkteri óz ıelerine qarsy tyńshylyq quralyna aınalýy múmkin. Bul týraly Segodnya.ua habarlady.
«Washington Post» jýrnaly Stıven Chekoveıa men Mettıý Broker esimdi zertteýshilerdiń baıandamasyna súıene otyryp, 2009 jylǵa deıingi iMAC pen MacBook kompıýterlerine ornatylǵan veb-kameralardyń jasyryn túrde beınejazba men foto túsire alatyndyǵy jaıynda jazdy.
Kóptegen kompıýterlerde veb-kameranyń jumys istep turǵanyn kórsetetin dıod jaryǵy bolady. Zertteýshiler olardy kameranyń mıkrobaqylaǵyshyn qaıta engizý arqyly óshirýge bolatynyn anyqtady. Olardyń oıynsha, dıod jaryǵy jumys istemeı turǵanda, kamera ıesine bildirmeı foto nemese beınebaqylaý júrgize alady. Buǵan dálel retinde Stıven Chekoveıa men Mettıý Broker «iSeeYou» baǵdarlamasyn jasap shyǵardy. Ol baǵdarlama kameraǵa dıod jaryǵyn jaqpaı-aq foto nemese beınejazba túsirýge múmkindik beredi.
Aıdar О́risbaev.
Derekkóz: Segodnya.ua
Foto: Wikipedia.org
