Medısına • 09 Aqpan, 2021

101 jastaǵy keýananyń júregine ota jasaldy

133 ret kórsetildi

Shymkent qalasynda ǵasyr jasaǵan ájeıdiń júregine ımplantasııa qoıyldy. Aq halattylar qalanyń kardıologııa ortalyǵynda buryn-sońdy mundaı tájirıbe bolmaǵanyn aıtady, dep habarlaıdy Egemen.kz

Júrek qaǵysy 60-qa deıin túsken qart ájeıdiń beti beri qarap keledi. Dárigerler sońǵy jyldary júreginde aqaýy bar jandar kóbeıip jatqanyn alǵa tartady.

Keýana Varvara Tolokonnıkova 4 kún buryn ǵana aýyr operasııadan shyqty. Júrek qaǵysy 60-qa deıin tómendegen ol aýrýhanaǵa aýyr jaǵdaıda túsken. О́miri qyl ústinde jatqan oǵan shuǵyl túrde operasııa jasalypty. Búginde elektrokardıostımýlıator ımplantasııasymen júregi jıi soǵa bastaǵan.

Osy oraıda Varvara Tolokonnıkova: «О́zimdi óte nashar sezindim. Tábetim quryp, as batpaı qaldy. Áne-mine ólem be dep jattym. Al otadan keıin bári ózgerdi. Tábetim de ashylyp, tamaq ta iship aldym», dep aıtyp ótti.

Dárigerler Shymkent qalasynda sońǵy jyldary júrek qaǵysyna shaǵymdanatyndar kóbeıgen. Sondyqtan da elektrokardıostımýlıator ımplantasııasyna baılanǵandar qarasy azaımaı tur. Osylaı degen aq halattylar júrek qaǵysyn retteıin qondyrǵynyń buryn-sońdy 100 jasaǵan turǵynǵa qoıylmaǵanyn aıtady.

Shymkent qalalyq kardıologııalyq ortalyqtyń dárigeri Azat Tursynbekov: «101 jastaǵy naýqasqa elektrokardıostımýlıator ımplantasııasyn birinshi ret jasap jatyrmyz bizdiń tájirıbede. 95-96 jasar apalar-atalarǵa jasaǵanbyz. Aıta keterlik jaǵdaı, naýqastardyń jasy ulǵaıǵan saıyn olardyń tinderi de óte názik bolyp keledi. Sondyqtan óte názik jumys isteýimiz kerek», dep tolyqtyrdy.

Otadan jýyrda ǵana shyqqan qart ájeı kúni erteń óz úıine qaıtady. Al oǵan qondyrylǵan apparat 10 jylǵa deıin qyzmet atqarady.

Sońǵy jańalyqtar

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar