Bilim • 10 Aqpan, 2021

Nur-Sultanda oqýshylarǵa 40 myń oryn ashylady

42 ret kórsetildi

Nur-Sultan ákimdiginde mektep qurylysy boıynsha jumystardy júıeli júrgizýde. 2021 jyly 2020 jylǵa qaraǵanda eki ese, 2019 jylmen salystyrǵanda tórt ese kóp oryn ashylady. Bul týraly elorda ákimi Altaı Kólginov turǵyndarǵa esep berý kezdesýinde aıtty, dep habarlaıdy Egemen.kz

«Bilim sapasy men oǵan jaǵdaı jasaýǵa mán berý óte mańyzdy. Turǵyndar sanynyń artýyna baılanysty mektepterdegi oqýshylarǵa oryn jetispeýshiligin qysqartý úshin jyl saıyn keminde 10 mektep salý kerek. 2020 jyly 2019 jylǵa qaraǵanda paıdalanýǵa berilgen mekteper sany eki esege kóp. Bul 11 bilim mekemesi buryn mektep bolmaǵan turǵyn alaptarda salyndy. Ol jerlerde buryn balalar beıimdelgen ǵımarattarda oqyǵan. Jańa mektepter úsh aýysymdy mektepter sanyn 8-den 4-ke qysqartýǵa múmkindik berdi. Budan bólek, birqatar mektep qazandyq jylytýdan ortalyqtandyrylǵan jylytýǵa kóshirildi. Bul – mektepterge tek jylytý boıynsha jyl saıyn 100 mln teńge únemdeýge múmkindik beredi. 2021 jyly 15 irigabarıtti mektepter salatyn bolamyz. Bul 40 myń oryn ashýǵa  múmkindik beredi», dedi elorda ákimi Altaı Kólginov.

5 jyldyq keshendi jospar aıasynda 50 mekteptiń qurylysyn júrgizýge josparlanyp otyr. Mektep qurylysyna jeke ınvestorlar da tartylatyn bolady.

Budan bólek, elorda ákimi Altaı Kólginov qoldanystaǵy bilim  oshaqtarynyń kútimine de tıisti kóńil bólý kerektgin atap ótti. О́tken jyly 26 bilim nysanyna jóndeý jumystary júrgizildi (mektepter, balabaqshalar, kolledjder).Bul jumystar bıyl da júıeli túrde jalǵasyn tabatyn bolady.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar