Oblystyq polısııa departamenti baspasóz qyzmetiniń málimetine súıensek, 102 operatoryna Sh.Ýálıhanov kóshesinde ornalasqan kópqabatty úıdiń turǵyny shaǵym túsirgen. Ol kórshisiniń páterin jaldaýshylar túngi tynyshtyqty buzǵany týraly habarlapty.
«Atyraý qalasyndaǵy №2 ýchaskelik polısııa pýnktiniń ýchaskelik polısııa ınspektorlary túngi saǵat 02:52-de jaldamaly páterdi alǵan jeńil júristegi qyzdardyń adamdardy qabyldaǵanyn anyqtady. Munda Túrkistan qalasynan kelgen 2 azamatsha jezókshelikpen aınalysqan. Olarǵa qatysty QR Ákimshilik quqyq buzýshylyq týraly Kodeksiniń 437-babymen (Túngi tynyshtyqty buzý) hattamalar toltyryldy» dep habarlady departamenttiń baspasóz qyzmetinen.
Al baspanasyn jalǵa bergen 48 jastaǵy turǵynǵa QR Ákimshilik quqyq buzýshylyq týraly Kodeksiniń 450-babymen (Kórineý jezókshelikpen aınalysý nemese jeńgetaılyq úshin úı-jaılar usyný) 218 775 myń teńge kóleminde aıyppul salyndy.
