Taılandtyń saılaý komıssııasy elde merziminen buryn ótetin parlamenttik saılaýǵa qatysatyn partııalardy tirkeýdi polısııa bóliminde júzege asyrýǵa májbúr boldy.
Jergilikti basylymdardyń jazýynsha, alǵashynda partııalyq tizimderdi tirkeýdi jaqyn mańdaǵy stadıonda ótkizý josparlanǵan eken. Biraq, oǵan baratyn joldy oppozısııa qorshap alǵandyqtan, stadıon aýmaǵyna tek toǵyz partııanyń ókilderi ǵana kirýge jol taýypty. Qalǵan partııalardyń ókilderi ǵımaratqa kire almaǵan. Bul elde parlamenttik saılaý 2014 jyldyń 2 aqpanyna belgilengen. О́tinishter 23-27 jeltoqsan aralyǵynda qabyldanýy tıis. Al «Phya Than» bılik partııasynyń tiziminde premer-mınıstrdiń mindetin atqarýshy Iınglak Chınavat birinshi bolyp tur.
Sharaına
Taılandtyń saılaý komıssııasy elde merziminen buryn ótetin parlamenttik saılaýǵa qatysatyn partııalardy tirkeýdi polısııa bóliminde júzege asyrýǵa májbúr boldy.
Jergilikti basylymdardyń jazýynsha, alǵashynda partııalyq tizimderdi tirkeýdi jaqyn mańdaǵy stadıonda ótkizý josparlanǵan eken. Biraq, oǵan baratyn joldy oppozısııa qorshap alǵandyqtan, stadıon aýmaǵyna tek toǵyz partııanyń ókilderi ǵana kirýge jol taýypty. Qalǵan partııalardyń ókilderi ǵımaratqa kire almaǵan. Bul elde parlamenttik saılaý 2014 jyldyń 2 aqpanyna belgilengen. О́tinishter 23-27 jeltoqsan aralyǵynda qabyldanýy tıis. Al «Phya Than» bılik partııasynyń tiziminde premer-mınıstrdiń mindetin atqarýshy Iınglak Chınavat birinshi bolyp tur.
Sebep-saldaryn tekseretin komıssııa quryldy
Egıpette eldiń burynǵy prezıdenti Mohammed Mýrsıdi bılikten taıdyrýǵa qatysty máselelerdi tekserýmen aınalysatyn arnaıy komıssııa quryldy.
«Frans-press» agenttiginiń habarlaýynsha, komıssııa qurý týraly jarlyqqa Egıpet prezıdentiniń mindetin atqarýshy Adlı Mansýr qol qoıǵan. Mansýrdyń málimdeýinshe, bul táýelsiz komıssııa Mysyrda 30 maýsymnan bastap búgingi kúnge deıin bolǵan jaǵdaılardy tekserýden ótkizedi. Komıssııanyń quramynda bes adam bar. Oǵan sýdıa Fýad Rııad basshylyq etedi. Komıssııa jumysynyń alǵashqy nátıjesi alty aıdan soń shyǵarylmaq.
Daýyl men jaýyn elektr jaryǵynsyz qaldyrdy
Kanadada qatty soqqan daýyl men muz aralas jaýyn saldarynan 400 myńǵa jýyq adam elektr jaryǵynsyz qaldy. Keıbir aqparattarǵa qaraǵanda, tabıǵat apatynan eldiń Ontarıo jáne Toronto provınsııalary edáýir zardap shekken.
Qazir osy provınsııalarda elektr jelilerin qalpyna keltirý jumystary kúni-túni júrgizilip jatyr. Oǵan kem degende 72 saǵattaı ýaqyt kerek. Aýa raıynyń qolaısyzdyǵynan el aýmaǵynda júzdegen apat bolǵan. Sonyń saldarynan bes adam mert bolǵan kórinedi. Bulardan bólek birneshe qalanyń áýejaılarynda kóptegen avıareıs keıinge qaldyrylyp otyr.
Qysqa qaıyryp aıtqanda:
● Túrmeden bosatylǵan Mıhaıl Hodorkovskıı Berlınde ótkizgen baspasóz máslıhatynda Ýkraına prezıdenti Vıktor Iаnýkovıchti reseılik áriptesi Vladımır Pýtınnen úlgi alýǵa shaqyrdy. Bul Iýlııa Tımoshenkoǵa qatysty boldy.
● Tokıonyń ortalyǵyndaǵy mektep aýlasynda er adam ózine jáne oınap júrgen bir balaǵa órt qoıdy. Ekeýi de qatty kúıgendikten, aýrýhanaǵa jatqyzyldy. Oqıǵa keshe tańerteń bolǵan.
● Bortynda 182 jolaýshysy bar Ulybrıtanııa avıakompanııasynyń Boıng 747 ushaǵy Iohannesbýrg áýejaıynda bir qanatymen ǵımarat qabyrǵasyna soǵyldy. Zardap shekkender joq.
● Shvesııanyń Tranos atalatyn qalasynda aty-jóni atalmaǵan bir jas jigit ishinde tórt jastaǵy bala otyrǵan avtomashınany «qýyp» ketipti. Mashınada bala bar ekenin bilgen ol 100 metrdeı júrgennen soń ony túsirip tastaǵan. Al ózi úsh saǵattan keıin qolǵa túsken.
Saılaý ótkizý múmkin emestigin moıyndady
Ýkraına ishki ister mınıstrliginiń burynǵy basshysy, qazirgi «Eýromaıdan» jetekshileriniń biri Iýrıı Lýsenko Ýkraınada merziminen buryn prezıdenttik saılaý ótkizý múmkin emestigin moıyndady. Muny ol Kıev ortalyǵyndaǵy aksııaǵa qatysýshylarmen beıresmı jaǵdaıda bolǵan áńgime kezinde málimdegen.
Saıasatkerdiń atap ótýinshe, oppozısııanyń basty maqsaty 2015 jyly ótetin prezıdent saılaýyna daıyndyq bolyp tabylady. «Bizge bir ǵana kósem kerek, on kóshbasshymen soǵysqa barý múmkin emes, – dep aıtypty Lýsenko. – Saılaýda oppozısııalyq kandıdattyń 80 paıyzdyq eseppen jeńýine qol jetkizý qajet». «Eýromaıdanǵa» qatysýshylar talabynyń biri – elde merziminen buryn prezıdenttik saılaý ótkizý bolatyn.
Aýǵandyq bosqyndar talaptaryn osylaı bildirdi
Aýǵandyq 200-den astam bosqyn Belgııanyń batysyndaǵy Mons qalasynda qarsylyq lagerin uıymdastyrdy. «Frans-press» agenttiginiń habarlaýynsha, olar osy arqyly eldiń premer-mınıstri Elıo de Rýpodan ózderine osy elde turaqty turýǵa kómektesýdi suramaq kórinedi.
Bosqyndar Brıýsselden Mons qalasyna deıingi 70 shaqyrymdyq joldy jaıaý júrip kelipti. Aýǵandyq bosqyndar qazirgi kezde el astanasyndaǵy shirkeýde turyp jatyr eken. Úkimet ókilderi bul bosqyndardyń talaby standarttyq tártippen qaralatyndyǵyn málimdegen. Belgııa úkimetiniń basshysy Rýpo, sondaı-aq, Mons qalasynyń meri de bolyp tabylady. Qazir ol issaparda júr eken.
Sot qala basshysynyń ókilettigin toqtatty
Tbılısıdiń qalalyq soty Grýzııa astanasynyń meri Gıgı Ýgýlavanyń ókilettigin toqtatty. Qala basshysy osynyń aldynda bıýdjet qarjysyn talan-tarajǵa saldy dep aıyptalǵan bolatyn.
Tergeý málimetterine qaraǵanda, G.Ýgýlava 2012 jyly Tbılısıdi damytý qoryna tıesili 30 mıllıon dollarǵa jýyq qarajatty «Birtutas ulttyq qozǵalysynyń» saılaýaldy kampanııasyna paıdalanǵan sııaqty. Sondaı-aq, onyń bes orynbasaryna da aıyp taǵylyp otyr. Aıta keteıik, qala basshysy Grýzııanyń eks-prezıdenti M.Saakashvılıdiń jaqtasy bolyp sanalady.
Internet materıaldary negizinde ázirlendi.
