Batys Qazaqstan oblysynyń ortalyǵy – Oral qalasyndaǵy 170/2 abaqty basshysynyń orynbasarlary jazaǵa tartyldy. Bul týraly Gazeta.kz habarlady.
«Túrmeniń qojasy» atanǵan jazasyn óteýshiniń biri abaqty bastyǵynyń 2 orynbasarymen birge qylmystyq top qurǵan. Olar óńirdegi esirtki aınalymyn baqylap otyrǵan eken. Odan túsken qyrýar aqshany ózge eldegi qylmystyq toppen bólisken kórinedi. Ári abaqty bastyǵynyń orynbasarlary túrmege taýar men aqsha ótkizýge qol ushyn beripti. Osy áreketterine baılanysty qylmystyq toptyń jetekshisi Jálıev 19 jylǵa temir torǵa qamaldy. Al qalǵan 3 sybaılasy 9 jyldan 17 jylǵa deıin tar qapasta otyratyn boldy.
Bizge kelip túsken sońǵy aqparatta atalmysh 170/2 abaqty bastyǵynyń qyzmetten bosaǵany týraly jazylǵan. Aldaǵy ýaqytta onyń áreketine qatysty tergeý júrgiziledi.
Baqytbek Keneshuly.
Derekkóz: Gazeta.kz
Foto: news. nur. kz
