Prezıdent jedelhatynda byltyr shilde aıynda Marsty zertteýge jiberilgen «Ál-Amal» spýtnıginiń planeta orbıtasyna enýi Ámirlikterdiń ǵaryshty ıgerýshi úzdik memleketter qataryna kirgenin jáne álemdik tabysqa qol jetkizgenin dáleldeıtindigin atap ótken.
«Islam jáne arab álemindegi saıası, ekonomıkalyq negizi berik qalyptasqan, óńirlik jáne jahandyq turǵydan kóshbasshylyǵy keńinen moıyndalǵan elińiz Sizdiń basshylyǵyńyzben qarqyndy damýyn odan ári jalǵastyrýyna, mereıiniń árqashan ústem bolýyna tilektespin. Osy tusta, álemge áıgili «Baıqońyr» ǵarysh aılaǵyndaǵy Qazaqstan men Ámirlikterdiń ǵarysh salasyna qatysty birlesken baǵdarlamasynyń da bolashaqta nátıjeli bolaryna senim bildiremin. Sizdiń elińizben osy baǵytta kúsh-jiger jumyldyrýǵa jáne ǵylymı zertteýler júrgizýge árdaıym daıyn ekenimizdi naqtylaımyn», delingen jedelhatta.
Sonymen qatar Qasym-Jomart Toqaev Sheıh Muhammed ben Zaıd Ál Nahaıannyń asa jaýapty qyzmetine tolaǵaı tabys, al baýyrlas ámirlikterdiń halqyna baıandy baqyt, qut-bereke tiledi.
