Sportshylarǵa mamandardyń tereńdetilgen tekserýleri, zerthanalyq tekserýler basqa da pasıenttermen jalpy kezekte júrgiziledi. Bul óz kezeginde sportshylarǵa qolaısyzdyqtar týǵyzyp jáne olardyń daıyndyǵy men saýyqtyrý prosesiniń sapasyna áser etedi.
Osyǵan baılanysty sportshylar elorda ákimi Altaı Kólginovpen kezdesýde jeke medısınalyq mekeme bólýdi surady. Usynys qoldaý tapty.
Atalǵan dıspanser sportshylarǵa tereńdetilgen medısınalyq tekserýler júrgizip, ońaltý jáne densaýlyqtaryn qalpyna keltirýge múmkindik beredi. Sondaı-aq olardyń jaraqattanýy, emdelýin jáne qalpyna kelýin eskere otyryp, ýaqyty tekserýdi, densaýlyqtaryn baqylaýda ustaýdy qamtamasyz etý úshin bilikti sport dárigerlerin de tartý qolǵa alynady dep josparlanýda.
Ortalyq sporttyq dárigerlermen qatar psıhologtar, massajıster jáne sportshylardyń tamaqtanýyn qadaǵalaıtyn arnaıy mamandarmen de qamtamasyz etiledi.
