1992 jyldyń jaz aıy edi. Birde aýlada turǵan «DT-75» traktorynyń júrgizýshisi traktoryn ot aldyrý maqsatynda qolyna motordy iske qosý jibin alyp, oralǵan jipti tartyp qalǵanynda ot alǵan traktordyń basqarý quraldary aıyrylmaı qalǵandyqtan alǵa júrip ketkendigi bar. Júrgizýshimen áńgimelesip, alańsyz turǵan jas jigit Manarbek sol sátte ǵana esin jıyp, artqa qaraı sekirip úlgerdi. Biraq traktordyń aldyńǵy jaǵynda turǵan Manarbektiń bir aıaǵynyń tobyqtan alǵy bashpaılarynyń ústin traktordyń shynjyrly tabany janshyp óte shyqty.
1992 jyldyń jaz aıy edi. Birde aýlada turǵan «DT-75» traktorynyń júrgizýshisi traktoryn ot aldyrý maqsatynda qolyna motordy iske qosý jibin alyp, oralǵan jipti tartyp qalǵanynda ot alǵan traktordyń basqarý quraldary aıyrylmaı qalǵandyqtan alǵa júrip ketkendigi bar. Júrgizýshimen áńgimelesip, alańsyz turǵan jas jigit Manarbek sol sátte ǵana esin jıyp, artqa qaraı sekirip úlgerdi. Biraq traktordyń aldyńǵy jaǵynda turǵan Manarbektiń bir aıaǵynyń tobyqtan alǵy bashpaılarynyń ústin traktordyń shynjyrly tabany janshyp óte shyqty.
Áp-sátte bolǵan oqıǵa. Kók tútindi býdaqtatyp ot alǵan shynjyr tabandy traktor alǵa qaraı óńmeńdeı sekirip aldy da kenetten óship qaldy. Júzi qýdaı bolyp qýaryp ketken traktordyń júrgizýshisinde es joq, sopıyp turyp qalǵan. Manarbek bolsa din aman, aıaǵynyń bashpaı ústin taptap ótken traktordyń shynjyr izderi qyzara syzat túsirgen jolaqtarǵa ań-tań qarap tur. Súıekteri synbaǵan, aman. Ǵajap jaǵdaı. Bul ne bolǵany? Qandaı kúsh, nebir tylsym dúnıe ózin aman alyp qaldy?! Bul taǵy jumbaq nárse. Áıteýir, perishtesi qaǵyp jympıtylyq jas jigit Manarbek Jumaǵalıev bul oqıǵadan aman qaldy.
Osy oqıǵadan soń Manarbektiń basynan úıdiń tóbesinen abaısyzda qulap túsý, «KamAZ» kóliginiń esiginen qatty burylysta ushyp ketý, motosıklden aýdarylý sátteri bolsa da dene súıekterine, terilerine eshqandaı zaqymdar kelmeý derekteri bolǵandyǵyn tańdanyspen aıtqan jón.
Manarbek Jumaǵalıev Jympıty aýylynyń týmasy. О́nerli otbasynda tárbıelengen Manarbektiń ákesi Luqpan halyqtyq teatrdyń órge basýyna bir kisideı úlesin qosqan kánigi rejısser, teatrdyń tarlany bolsa, qaryndastary da myń buralǵan bıshiler.
– Meniń naǵashy atalarym Álı, Rysaly óte arýaqty adamdar bolǵan kórinedi. Bálkim, meniń boıyma alapat kúsh - qýattar osy atalarymnan daryǵan bolýy da kerek. 1997 jyly otbasymyzben kómir ýyna ýlanyp, ortalyqtaǵy aýrýhanada úsh kún boıy essiz jattym. Sonda essiz jatyp, anabir dúnıeniń de tabaldyryǵyna barǵan kezimde nebir elesterdiń boıdy bılegeni bar, – deıdi Manarbek sóz arasynda áńgimesin órbitip.
Manarbektiń boıyndaǵy tylsym kúshtiń qýaty alǵash ret 2000 jyly Qosoba aýylyndaǵy klýbtyń sahnasynda halyqtyń júregin dir etkizerlik keıbir kórinisterdi kórsetýden bastaldy.
Bertin kele Manarbek tósine kirpish tas qoıdyryp, úlken balǵamen syndyrtý, synǵan áınektiń, shegeniń ústine jalańash denesimen jatý, áınektiń ústinde sazdy áýen yrǵaǵymen bıleý, ótkir pyshaq, baltamen denesin, bashpaılaryn keskileý sııaqty adamnyń denesin túrshiktiretin kórinisterdi sahna arqyly kórsetýdi qolǵa aldy.
Tipti, osy kórinisterdi Manarbek Jumaǵalıev ulttyq óner, salt-dástúrdi nasıhattaý baǵytynda uıymdastyrylǵan Zelenov aýdanyndaǵy «Aımaqtar alamany» atty oblystyq óner saıysynda, Jympıty aýylynda ótkizilgen «Daryndylar dodasy» atty oblystyq óner saıysynda, jaqynda ǵana oblys ortalyǵynda toılanǵan qala kúnin merekeleýde kórermender aldynda jaıyp salyp, olardy erekshe qasıetterimen tań-tamasha etkeni bar.
– О́zim sahnaǵa eshqandaı ázirliksiz shyǵamyn. Áıteýir, Jaratqan ıeniń bir tylsym kúshi ıtermelep, arqam, alaqanym eriksiz túrde qyzyp, boıyma kúsh-qýat bitip turatyndyǵy ras. Dene qımyldatyp, jumys istemesem aýyramyn. Ine sabaqtap, jańajyldyq, ulttyq kostıýmder tigemin, oıý-órnekterdi taza tabıǵı túrde qolmen jasaımyn. Sondaı-aq, aǵashtan túrli músinderdi oıyp jasaıtyn ónerim de bar, – deıdi Manarbek aǵynan jaryla.
Iá, boıynda óner daryǵan osy bir 42 jastaǵy jigit Manarbek búginde qaı jerde jumys bolsa, sonda baryp, óziniń nápaqasyn taýyp tur.
Al sahnaǵa shyǵyp, adam balasynyń boıyn úreıge toly qorqynyshty kórinisterimen áp sátte-aq eriksiz baýrap alatyn Manarbekke ázirge turaqty jumys bolsa taptyrmaı júr. Tańǵajaıyp ónerimen kópshilikke tanylyp úlgergen Manarbekti ónerdegi basshylyq tulǵalar «defısıtke» aınalǵanda ǵana izdestiretinderi bar. Sonda «defısıtke» aınalǵan Manarbektiń tylsym óneriniń ármen qaraı damýy, nasıhattalýy tasada qala bermek pe?!
Músirbek AITAShEV.
Batys Qazaqstan oblysy.
