Rýhanııat • 12 Aqpan, 2021

Manarbek sazy áýelep

32 ret kórsetildi

Almatyda qazaq mýzyka óneriniń kórnekti ókili Manarbek Erjanovtyń týǵanyna 120 jyl tolýyna arnalǵan án men kúı festıvali ótti. Shyǵarmalary ult murasyna aınalǵan talant ıesiniń rýhyn aspandatqan ásem keshte respýblıkaǵa belgili sahna sańlaqtary óner kórsetti.

Eldegi epıdemııalyq jaǵdaıǵa baılanysty sanaýly adam ǵana qatysqan mýzyka merekesinde Manarbek Erjanovtyń halyq júreginen aıryqsha oryn alǵan irgeli shyǵarmalary oryndaldy. Esesine aqqý sazdy aıalaǵan tyńdarman qaýym festıvaldy áleýmettik jeli arqyly tikeleı efırde tamashalady. Áıgili Ámire Qashaýbaevtan tálim alǵan talant ıesi tirshiliginde 150-den astam án men kúıdi dúnıege ákelgen. Onyń «Jetisý», «Astanada», «Batyr joryǵy», «Kúsenbaı», «О́rnek», «Shalqar kól», «Aqqý kóli» sekildi kúıleri, horǵa arnap jazylǵan «Partızan joryǵy», «28 gvardııashy-panfılovshylar», «Jastar toıy», «Jastar áni», «Beıbitshilik marshy» atty shyǵarmalary, sondaı-aq «Parovoz», «Amangeldi», «Baqyt jyry», «Qýanamyn», «Qoıshynyń áni», «Ánshi Bir­janǵa», «Saıra, bulbul», «Shege­niń termesi» syndy ánderi tyńdarmanǵa etene tanys.

– Manarbek Erjanovty óner álemine qanattandyryp, kóki­regine ásem saz uıalatqan ustazy – ánshi ári kúıshi Kúsenbaı. Al ánshilik sheberligin ushtaýda Shashý­baı Qoshqarbaıuly men Ámire Qashaýbaevtyń orny erek. Ol bozbala shaǵynda-aq Birjan sal, Aqan seri, Estaı, Shashýbaı ánderin aıtyp, túrli aıtystarǵa qatysyp, el aýzyna ilikti. 1928 jyly Qazaq drama teatryna qabyldanyp, alǵash­qy akterleriniń biri boldy, osy teatr­da qoıylǵan spektaklderde oınap, san qyrly beıneler­di somdady. Ásirese, «Qyz Jibek», «Er Tarǵyn», «Abaı», «Bir­jan-Sara» operalarynda sheber­li­gi­men dúıim jurtty tánti etti. Máskeý tórinde án shyrqap, qazaq óne­rin talaıǵa moıyndatty. О́ner­den jol izdegen jastary­myz onyń shyǵarmashylyq álemi­nen qýat alyp keledi. Búgingi fes­tıvaldyń maqsaty – Manarbek shyǵarmalaryn óskeleń urpaqqa keńinen nasıhattaý, – deıdi Mýl­tı­medıalyq dástúrli mýzyka orta­lyǵynyń jetekshisi Roza Qajenova.

 

ALMATY

 

Sońǵy jańalyqtar

Qyzylordada esirtkige qarsy aksııa ótti

Aımaqtar • Búgin, 16:52

Almaty mańynda jer silkindi

Aımaqtar • Búgin, 16:18

Dollar 9 teńgege arzandady

Qarjy • Búgin, 16:10

Qazaqstanda qus eti qymbattady

Qoǵam • Búgin, 15:43

Munaı baǵasy 1 dollarǵa arzandady

Ekonomıka • Búgin, 12:30

Erteń Úkimet otyrysy ótedi

Úkimet • Búgin, 12:12

«Kanelo»: Golovkındi nokaýtpen jeńemin

Kásipqoı boks • Búgin, 12:08

Aldaǵy kúnderi aýa raıy qandaı bolady

Aýa raıy • Búgin, 11:46

Bir aptada 3 myńǵa jýyq qylmys jasaldy

Qazaqstan • Búgin, 11:18

Uqsas jańalyqtar