Otyrys beıneselektorlyq rejımde ótti. Oǵan ortalyq memlekettik organdardyń basshylary, oblystardyń, Nur-Sultan, Almaty jáne Shymkent qalalary ákimderiniń orynbasarlary, tótenshe jaǵdaılar departamentteriniń bastyqtary, sonymen qatar komıssııa músheleri qatysty.
Otyrysta TJ, ekologııa, geologııa jáne tabıǵı resýrstar, ındýstrııa jáne ınfraqurylymdyq damý mınıstrlikteriniń, Kazgıdromet basshylary men ókilderi sóz sóıledi. Qaralǵan máseleler boıynsha birqatar oblys ákimderiniń orynbasarlary tyńdaldy.
Ýaqytyly qabyldanǵan sharalardyń arqasynda (aldyn alý sharalarynyń kesheni, Jol kartasyn iske asyrý) sońǵy eki jyldaǵy sý tasqyny kezeńi turaqty ótkendigin atap ótken jón.
Sonymen qatar, sý basý qaýpi 276 (30,5%) eldi meken úshin (halqynyń sany 270 myń adamnan asatyn) saqtalady.
Sý tasqyny qaýpiniń aldyn alý jáne joıý jónindegi Jol kartasyn iske asyrý aıaqtaldy (2017-2020 jyldar), ol 315 (34,8%) eldi mekenderdi qorǵaýdy qamtamasyz etýge jáne 314 (34,7%) aýyl men kent úshin qaýipti tómendetýge múmkindik berdi. Jalpy, tórt jyl ishinde bógetter men bilikterdi salý, qorǵanys qurylystaryn jóndeý, sý tasqyny qaýpi bar ózenderdiń jaǵalaý syzyǵyn nyǵaıtý boıynsha jumystar júrgizýdi qosa alǵanda, tórt júzden astam ınjenerlik-qorǵaý is-sharalary oryndaldy. 2023 jylǵa deıin sý tasqynyna qarsy is-sharalardyń jańa Jol kartasy bekitildi.
Qazirgi ýaqytta óńirlerde kóktemgi sý tasqynyna daıyndyq aıasynda eldi mekenderden qardy shyǵarý, aryqtardy, avtomobıl jáne Temirjol sý ótkizý qurylystaryn tazalaý jalǵasýda, qaýipti ýchaskelerde ınjenerlik jumystary júrgizilýde. Inertti, janar-jaǵarmaı materıaldarynyń qory daıyndaldy. Quramynda 40 myńnan astam adam, 13 myń birlik tehnıka bar qurylymdar anyqtaldy. Shuǵyl shyǵyndarǵa tótenshe rezervter daıyndaldy, shamamen 38 mıllıard teńge aldyn ala salyndy.
Asa iri 60 sý qoımasynyń (Aqmola, Aqtóbe, Almaty, Shyǵys Qazaqstan, Jambyl, Batys Qazaqstan, Qaraǵandy, Qostanaı, Soltústik Qazaqstan jáne Túrkistan oblystary) toltyrylýyna apta saıyn monıtorıng júrgiziledi.
Respýblıkalyq deńgeıde avarııalyq-qutqarý bólimsheleriniń kúshteri men quraldarynyń toby quryldy. Bul 10 myńnan astam qyzmetker, 1 880 birlik tehnıka. TJM Azamattyq qorǵanys áskerı bólimderinde árqaısysy myń adamǵa arnalǵan 3 shatyrly lager daıyndalǵan. Halyqty habardar etý máseleleri pysyqtaldy.
Naýryz aıynyń basynda sý tasqynyna neǵurlym beıim óńirde (Pavlodar q.) «Kóktem» respýblıkalyq komandalyq-shtabtyq oqý-jattyǵýyn ótkizý josparlanýda, ol azamattyq qorǵaýdyń memlekettik júıesiniń aǵymdaǵy jylǵy sý tasqynyn qaýipsiz ótkizýge daıyndyq deńgeıin aıqyndaýǵa múmkindik beredi.
Otyrys qorytyndysy boıynsha sý tasqyny kezeńindegi TJ týyndaýyn azaıtý jáne adamdardyń qaza bolýyna jol bermeý boıynsha aldyn ala sharalar qabyldaý usynyldy. Komıssııa otyrysynyń sońynda hattamalyq sheshim qabyldandy.
