«Sportpen shuǵyldaný arqyly jeńiske umtylys, kúsh-qaırat, alǵa qoıǵan maqsatqa jetýge talpynys sııaqty mańyzdy qasıetter jetiledi. Sport degenimiz – densaýlyq, rýhtyń kúshtiligi, otansúıgishtik. Men jastarymyzdy dene shynyqtyrýmen jáne sportpen kóbirek shuǵyldanýǵa shaqyramyn», dep jazdy Elbasy.
Aıta keteıik, Nursultan Nazarbaevtyń sportqa degen nazary erekshe ekenin atap ótý kerek. Osydan úsh jyl buryn Nursultan Nazarbaev «Challenge Drýgoı ty!» atty respýblıkalyq sport sharasyna qoldaý kórsetip, osy aksııanyń qatysýshylaryna beıneúndeý joldaǵan bolatyn. Ol bastamanyń maqsaty – elimizdiń turǵyndary arasynda dene shynyqtyrý men salaýatty ómir saltyn nasıhattaý. Aksııa aıasynda otandyq tanymal sportshylardyń, elimizdiń mádenıet jáne mass-medıa ókilderiniń qatysýymen ashyq jattyǵýlar ótkizilgen.
