Rýhanııat • 15 Aqpan, 2021

Sýretkerdiń kórkemdik álemi

98 ret kórsetildi

Qazaqstan Respýblıkasynyń Tuńǵysh Prezıdent – Elbasynyń jańa mýzeıinde elimizge eńbek sińir­gen qaı­ratker, belgili sýretshi Kamıl Mýllashevtiń shyǵarmalar kata­logy­nyń tusaýkeseri jáne jeke kórmesiniń ashylý saltanaty ótti. О́nersúıer qaýymǵa dekoratıvtik máneri aıryqsha «Súıimbıke», «Ǵab­dolla Toqaı», «Bozoq arýy» syndy aıtýly týyndylardy tartý etken sýret­shiniń 30-ǵa tarta jumysy kóp­shilik nazaryna usynyldy.

Kórmeni ashqan Elbasy kitaphanasynyń dırektory Baqytjan Temirbolat qylqalam sheberiniń aıshyqty qoltańbasy týrasynda aıta kelip, qazaq beıneleý óneri tarıhyndaǵy ornyn erekshe atap ótti. Mádenıet jáne sport mınıstri Aqtoty Raıymqulovanyń quttyqtaý hatyn oqyp bergen vıse-mınıstr Nurqısa Dáýeshov sýretshiniń el mádenıetine, sonyń ishinde kórkemsýret ónerine qaltqysyz qyzmet etkeni úshin alǵy­syn bildirdi.

Kórmege Aýstrııa, Belarýs, Nıderland, Germanııa, Reseı, Japonııa, Úndistan, Chehııa, Qyrǵyzstan, Kýveıt, Soltústik Make­donııa, Tatarstan elshileri men basqa da dıplo­matııalyq korpýstyń ókilderi, galereıalar, mýzeıler men mádenı ortalyqtardyń basshylary, kórnekti sýretshiler, ónertanýshylar jáne óner qaıratkerleri qatysty.

«Kamıl Mýllashev – erekshe kózqarasy bar adam, naǵyz keskindeme sheberi. Ol sýretti óte názik salady, sonymen birge anyq ári shynaıy. Barlyq shyǵarmalarynda onyń jan-dúnıesi sezilip turady. Meniń oıymsha, bul sheberdiń kartınalaryn kórgenderdiń bári avtor shyǵarmashylyǵynan lázzat alyp, talantyna tánti bolady», dep atap ótti Nı­der­land Koroldiginiń Qazaqstan Respýb­lıkasyndaǵy Tótenshe jáne О́kiletti elshisi Andre Karstens.

Kesh sońy avtograf-sessııamen jalǵasyp, avtor búgingi jastarǵa janr, stıl turǵysynan ulttyq ónerdiń endigi betalysy jaıynda áńgimelep berdi. K.Mýllashevtiń katalogy Qazaqstan Respýblıkasy Mádenıet jáne sport mınıstrligi men «Astana» halyqaralyq ýnıversıtetiniń qoldaýymen basylymǵa shyqqan. Kórme aqpan aıynyń sońyna deıin jalǵasady.

Sońǵy jańalyqtar

Almaty mańynda jer silkindi

Aımaqtar • Búgin, 16:18

Qazaqstanda qus eti qymbattady

Qoǵam • Búgin, 15:43

Munaı baǵasy 1 dollarǵa arzandady

Ekonomıka • Búgin, 12:30

Erteń Úkimet otyrysy ótedi

Úkimet • Búgin, 12:12

«Kanelo»: Golovkındi nokaýtpen jeńemin

Kásipqoı boks • Búgin, 12:08

Aldaǵy kúnderi aýa raıy qandaı bolady

Aýa raıy • Búgin, 11:46

Bir aptada 3 myńǵa jýyq qylmys jasaldy

Qazaqstan • Búgin, 11:18

Koronavırýs juqtyrǵandar kóbeıdi

Koronavırýs • Búgin, 10:29

Kaspıı teńizinde úsh adam qutqaryldy

Aımaqtar • Búgin, 10:08

Uqsas jańalyqtar