Mańǵystaý oblystyq kólik prokýratýrasy zańsyzdyqqa jol bergen «Kaspıı» áleýmettik-kásipkerlik korporasııasy» ulttyq kompanııasy» aksıonerlik qoǵamyna aıyppul saldy. Bul týraly «Habar» telearnasy habarlady.
Atalǵan aksıonerlik qoǵam osydan eki jyl buryn jańadan qurylatyn óńirlik áýe kompanııasyna AQSh-tan 2 jolaýshylar ushaǵyn ákelgen. Bul áýe kólikteri ınvestısııalyq joba sheńberinde alynǵandyqtan, ony jetkizýshi mekeme 200 mln. teńge kedendik baj salyǵyn tóleýden bosatylǵan. Osy aralyqta áýe kompanııasyn qurý máselesi iske aspaýy sebepti keleńsizdiktiń oryn alýyna jol berildi. Aksıonerlik qoǵam ókilderi 1 jyldan keıin álgi ushaqtardy 1 mlrd. teńgege ózgege satyp jibergen. «Kedendik baqylaý departamentiniń aksıonerlik qoǵamǵa qatysty talap aryzy qanaǵattandyrylyp, «Kaspıı áleýmettik- kásipkerlik korporasııasy» ulttyq kompanııasy AQ bıýdjetke 200 mln.teńge aıyppul tóledi. Endi osy mekemeden sot prosesi kezinde dálel keltirilgen 14 mln. teńgege jýyq ósimaqyny óndirý máselesi qarastyrylýda»,-deıdi Mańǵystaý oblysynyń kólik prokýrory Ǵalym Baıqonysov.
Baqytbek Keneshuly.
Derekkóz: «Habar» telearnasy
Foto: «Habar» telearnasy.
