Qoǵam • 15 Aqpan, 2021

Múgedekter men asyraýshysynan aıyrylǵandarǵa 32 mlrd teńgeden astam járdemaqy tólendi

580 ret

kórsetildi

1 mın

oqý úshin

2021 jylǵy qańtarda respýblıkalyq bıýdjetten 32,1 mlrd teńge, onyń ishinde múgedektigi boıynsha memlekettik áleýmettik járdemaqy tóleýge – 25,4 mlrd teńge, asyraýshysynan aırylý jaǵdaıyna – 6,7 mlrd teńge tólendi, dep habarlaıdy Egemen.kz.

Marjan TILEÝBEK

Múgedekter men asyraýshysynan aıyrylǵandarǵa 32 mlrd teńgeden astam járdemaqy tólendi

2021 jylǵy 1 aqpandaǵy jaǵdaı boıynsha múgedektigi boıynsha memlekettik áleýmettik járdemaqy alýshylardyń sany 521,5 myń adamdy, asyraýshysynan aıyrylý jaǵdaıy boıynsha 165,9 myń adamdy quraıdy.

Múgedektik jáne asyraýshydan aıyrylý jaǵdaıy boıynsha memlekettik áleýmettik járdemaqylardyń mólsheri múgedektiktiń toby men sebebine, qaıtys bolǵan (qaza tapqan) asyraýshynyń asyraýynda bolǵan adamdardyń sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilengen eń tómengi kúnkóris deńgeıine baılanysty bolady.

2021 jylǵy 1 aqpandaǵy jaǵdaı boıynsha múgedektigi boıynsha memlekettik áleýmettik járdemaqynyń ortasha mólsheri 48 693 teńgeni, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 180 teńgeni qurady.